1 कोरिन्‍थ 16:6 - पुना गच्छरना NT (BSI)

⁶ अरा मना ओंगाली का ऎन जोक्‍क उल्‍ला निम्‍है गुसन र'ओन महले पइय्याँ उल्‍लन हूँ पहाब'ओन। औंगे इदही ख़ॊख़ा एंगा एस'आनिम काना मनो होले हूँ, नीम एंग्‍है डहरे ऎकना गे संगरा नना ओंग्दर।

1 कोरिन्‍थ 16:6 ပူးပေါင်းရင်းမြစ်များ

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 17:15

पौलुसिन अंड़सताचर उइय्यर आर अथॆने नगरे गूटी केरर ती किर्रियर बरचर। अरा आर किर्रो बारी पौलुस ती सीलास अरा तीमोथियुस गे पॆसका ख़क्‍खियर ती बरचर का एवंदा चाँड़हे मनो अन्नेम बर'ओर।

त‍इरकर 20:38

कोड़हे गा अबड़र ती बग्‍गे आलर, नीम एंग्‍है मुहिन फेन मल ऎरोर एन्ने आसी बाचका चड्डे हेन्‍दवारर केरर। फिन आर आसिन कोहाँ डोंगा गूटी अंड़सताचर।

त‍इरकर 21:5

अबड़ा उल्‍ला मुंज्रा ख़ने, ऎम असले कोहाँ डोंगा तरा किर्रिम बिच्‍चकम। ओर्मा पत्त'ऊ आलर तम्‍है मुक्‍कर अरा ख़द्दर गने एमन नगरे ती बहरी अंड़सताचर। असन ऎम पिंडी नू मूकलिदरकम ती गोहरारकम।

त‍इरकर 27:12

आ डोंगा घाट किर्रना उल्‍लन पहाब'आ गे जोक्‍खा मल रहचा, अदगे कोड़हे आलर असले ती काला गे बिद्दियर। आर गे एक‍अम अन्ने फेनिक्‍स अंड़सना ती अइय्या किर्रना उल्‍लन पहाब'आ गे मने रहचा। फिनिक्‍स क्रॆतॆ टापू ता ओन्‍टा घाट हवे, एकदा दखिन पच्‍छिम अरा उत्तर पच्‍छिम तरा तिसगरका र'ई।

त‍इरकर 28:11

तीन चन्‍दो ख़ॊख़ा अलेक्‍सन्‍द्रिया नगरे ता ओन्‍टा कोहाँ डोंगा नू केरकम। आ कोहाँ डोंगा प‍इय्याँ गूटी आ टापू नू रहचा, अरा अदही चिन्‍हा “जोड़ा देंवता” रहचा।

रोमी 15:24

औंगे ऎन स्‍पानिया गे कालो बारी निम्‍है गुसन कुरनुम काला गे असरा र'ई। अरा निम्‍है गने भेंट मनोन ती जोक्‍क बेड़ा र'अना ती रिझ्र'ओन। फिन एंगा असरा र'ई का एंग्है डहरे ऎकना नू नीम सहाड़ा ननोर।

1 कोरिन्‍थ 16:11

औंगे नॆ हूँ आसिन सन्नी अमके अख़'आ। लिकिन आस एंग्‍है गुसन किर्रा गे आसिन कोड़े गने इसन त‍इय्‍के चि'अके। एन्‍देरगेका आस भइय्योर गने बर'आ गे ऎन आसिन पाब ऎरदन।

2 कोरिन्‍थ 1:16

अरा ऎन मकेदोनिया जिला कालो बारी निम्‍है गुसन बर'आ गे, अरा मकेदोनिया ती किर्रना बारी हूँ निम्‍है गुसन बर'आ गे सोच'आ लिक्‍कन। फेन नीम एंगन यूदेया जिला त‍इय्या ओंगोर।

तीतुस 3:12

ऎन निंग्‍है गुसन अरतेमास महले तुख़िखोसिन त‍इय्योन, एंग्‍है हेद्दे लॆम नीकुपुलिस बरना ही चिहुट ननके। एन्‍देरगेका ऎन असानिम प‍ईय्याँ उल्‍लन पहाब'आ गे तिगचकन।