1 कोरिन्‍थ 16:22 - पुना गच्छरना NT (BSI)

²² नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

1 कोरिन्‍थ 16:22 ပူးပေါင်းရင်းမြစ်များ

इफेसुस 6:24

नॆ नम्‍है उर्बस येसु मसीसिन मल मुंज्रना चोन्‍हा ती चोन्हा नन्नर, आर ओर्मर मइय्याँ धर्मेसी मया मनन नेकअन।

यॊहनस 14:21

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

मत्तायोस 10:37

नॆ अयंग मलता बंगासिन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस। अरा एकास तंग्‍दासिन मलता तंग्‍दन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस।

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

1 पतरस 2:7

आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

1 पतरस 1:8

आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

रोमी 9:3

ऎन एंग्‍है भ‍ईर बहिनर एंग्‍है जातियर गे संगरा नना गे बेद्ददन। आरिन नाड़ा गे ऎन तानिम सरपारना अरा मसीस ती ओथ्रतारना काना मनो होले हूँ अदिन सह'आ गे सपड़ारकादन।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

1 कोरिन्‍थ 12:3

औंगे ऎन निमन तेंगदन का, एका आलस हूँ धर्मेसी बॊलतस ती ब'अदस, आस एन्ने मल ब'अदस का, “येसुस सर्पारदस।” अरा एका आलस हूँ नेम्‍हा बॊलतस ती बिगर तेंगना ही एन्ने ब'आ पोलदस का, “येसुस दिम उर्बस हिकदस।”

त‍इरकर 23:14

अबड़र मुध नैगर अरा सेयान आलर गुसन केरर ती बाचर, “ऎम एन्ने किरया मोक्‍का र'अदम का, एका गूटी पौलुसिन मल पिटोम आ गूटी एन्द्रा हूँ मल ओनोम महले मॊख़ोम।

यॊहनस 16:14

आस एंगा गे महबन ओन्‍द्र'ओस, एन्‍देरगेका आस एंग्है ती ख़क्‍खदस ती अदिन निमन तेंगोस।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

फिलिप्‍पी 4:5

निम्‍है कयास मन्नन ओर्मा आलर अख़नर नेक'आ। उर्बस चाँड़हेम बरदस।