1 कोरिन्‍थ 16:16 - पुना गच्छरना NT (BSI)

¹⁶ एन्ने आलर ही तबे नू र'आ, अरा ई नलख नू संगे मनरकी उर्बस येसुस गे नलख नन्नर आर ओर्मर ही तबे नू र'आ।

1 कोरिन्‍थ 16:16 ပူးပေါင်းရင်းမြစ်များ

रोमी 16:12

त्रूफैना अरा त्रूफॊसा गे मोंजरा, इबड़ा मुक्कर उर्बस नू बग्‍गे नलख नंजका र'अनर। एंग्‍है बॆस संगेस पेरसिया गे मोंजरा, ईद उर्बस नू कोड़हे चिहुट नंजकी र'ई।

रोमी 16:3

प्रिसका अरा अकुलास गे एंग्‍है मोंजरा चि'आ। ईर म‍सी येसुस नू एंग्‍है गने तेतर-सुसर ननू रहचर।

रोमी 16:6

मरियम गे मोंजरा, आद निमा गे कोड़हे चिहुट नलख नंजकी रहचा।

रोमी 16:9

उरबानोस गे एकास मसी नू नम्‍है गने तेतर-सुसर ननू र'अदस। अरा एंग्‍है बॆस संगेस स्‍ताख़ुस गे मोंजरा।

1 कोरिन्‍थ 12:28

अरा धर्मेस कलीसिया नू जोक्‍क आलारिन ओकताचकादस। पहिल गा तइरकारिन, दोसर धर्मेसी कत्‍थन मुन्‍द तिंगुरिन, तिसर धर्मेसी कत्‍था सिखाब'उरिन ओकताचकादस। अदही ख़ॊख़ा हैकट नलख गुट्ठी ननुरिन, अदही ख़ॊख़ा कोड़े नना गे सवंग ख़क्‍खका आलारिन ओकताचकादस। अदही गने नन्नर गे संगरा ननुरिन, अरा कड़हाब'उरिन, अरा कैनो मदहे बलना भखा गुट्ठिन कछनख्र'उरिन ओकताचकादस।

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

इफेसुस 5:21

अरा मसीसी मइय्याँ ता निम्है मईन ती नीम ओर्त ओर्तोसी तबे नू र'आ।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

1 थेस्‍सलोनिकॆयर 5:12

अना भईरो, अक्‍कुन ऎम निमन गोहरारदम, निम्‍है नू खिलपत चॊदनर ती नलख नन्‍नर अरा निमन उर्बस नू कड़हाब'अनर ती सिखाब'अनर, आरिन नीम मईन नन्‍नुम कला।

1 तीमोथियुस 5:17

कलीसियन दौ गने ऎरनर ख़ॊजनर आ सेयान आलर गे दुई गुना म‍ईन नन्ना र'ई। कोड़हे गा कत्थन मेन्‍त'ऊ अरा सिखाब'ऊ सेयान आलारिन अन्ने नन्‍ना र'ई।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

इब्रानी 13:24

निम्‍है उर्मी कड़हाब'उर गे अरा उर्मी पत्त'ऊ आलर गे एम्‍है मोंजरा आबोन तेंगा। इताली देस ता भईर निमन मोंजरा नन्नर।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

1 पतरस 5:5

अन्नेम अना जॊंख़ारो! नीम सेयान आलर ही आकुस नू निमन चि'आ। अरा नीम ओर्मर लुदऊ मनरकी ओर्त ओर्त गे सुसर नना। एन्देरगेका नेम्हा पुथी एन्ने ब'ई का, “धर्मेस फुलई मनुर ही बिड़दो मन्दस, लिकिन आस लुदऊ र'उर ही मइय्याँ सोग्गे ऎरदस।”

3 यॊहन 1:8

औंगे नाम एन्ने आलर गे संगरा नन्ना ही चाड़ र'ई। एकत्रु नाम मानिमन तेंगा कुद्दना नू आर ही गने संगे नलख ननू मना ओंग्दत।

दहदर मंजका कत्‍था 2:3

नीन खतिर नन्ना ती एंग्‍है नामे चड्डे दुक्‍खे चॊदकय, अन्नु हूँ हार मल मोक्‍कय।