1 कोरिन्‍थ 16:14 - पुना गच्छरना NT (BSI)

¹⁴ नीम एन्‍देर एन्‍देर नन्‍दर उर्मिन चोन्‍हा ती नना।

1 कोरिन्‍थ 16:14 ပူးပေါင်းရင်းမြစ်များ

यॊहनस 15:17

नीम ओर्त ओर्त गने चोन्‍हा नना, ईदिम एंग्‍है पॆसका हवे।

रोमी 14:15

नीन निंग्‍है भ‍ई महले बहिन आबोन निंग्‍है ओन्ना-मॊख़ना ती हेन्‍दवारदय होले नीन चोन्‍हा ही डहरे नू मानिम गने मल ऎकदय। नीन निंग्‍है ओन्ना-मॊख़ना चड्डे आसी पत्त'अनन अमा नठाब'आ एकदन आस मलदौ सोचदस। एन्‍देरगेका मसीस आस गे हूँ केच्‍चस।

1 कोरिन्‍थ 12:31

अन्नु हूँ नीम बॆस ती बॆस बॊलतासी इनाम गुट्ठिन ख़क्‍खा गे कोड़हे चिहुट नना। अक्‍कु गा ऎन निमन उर्मिन ती कोड़हे बॆस डहरे चोन्हा आबोन ऎद'ओन।

1 कोरिन्‍थ 14:1

चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

1 कोरिन्‍थ 16:15

अना भईरो! नीम स्‍तेफनासी एड़पातारिन अख़दर, आर अख़ाया चक नू मसीसिन इंझ्रका पहिल आलर हिकनर। अरा आर नेम्‍हा आलर ही तेतर सुसर गे तमन चिच्का र'अनर। औंगे ऎन निमन ने'अदन का,

1 कोरिन्‍थ 8:1

अक्‍कु मूर्ती गुट्ठी गे दाँड़े अरगका ओन्ना-मॊख़ना ही पत्त नू एंग्‍है ब'अना ईद र'ई का‍ नाम ओर्मत गे इदही पत्त ता लूर र'ई का मूर्ती गुट्ठी गे दाँड़े अरगका ओन्ना-मॊख़नन मॊख़ना पाप मलकी। लूर आलारिन फुल‍ई मन्‍त'ई, लिकिन चोन्‍हा आलारिन कम'ई।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

1 थेस्‍सलोनिकॆयर 3:6

लिकिन अक्‍कु तीमोथियुस निम्‍है गुसते एम्‍है गुसन बरचकादस, अरा निम्‍है पत्त'अना अरा चोन्‍हा ही पत्त ता दौ कत्‍थन ओन्‍द्रकादस। अरा आस बाचस का नीम सगरो चोन्‍हा गने एमन सुरत'अदर, अरा एकासे ऎम निमन ऎरा गे खसतारदम अन्ने नीम हूँ एमन खसतारदर।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

1 पतरस 4:8

उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।