1 कोरिन्‍थ 16:13 - पुना गच्छरना NT (BSI)

¹³ नीम एज्रका र'आ, अरा पत्त'अना नू ठिमठिम ने र'आ, अरा डिढ नना, अरा बड़ियर मना।

1 कोरिन्‍थ 16:13 ပူးပေါင်းရင်းမြစ်များ

मत्तायोस 25:13

औंगे नीम एज्रका र'आ, एन्‍देरगेका नीम आ उल्‍लन महले आ बेड़न बलदर।

मत्तायोस 26:41

ऎन एन्‍देर बाचकन अदिन नीम नना गे गा बेद्ददर, लिकिन अदिन नन्‍ना बेसे निमा सवंग मलकी। औंगे एज्रका र'आ अरा बिन्‍ती नना का निम्‍है बिड़दो नू इन्द्रिइम बर'ओ होले नीम छेक'आ ओंगोर।”

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

1 कोरिन्‍थ 14:20

अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

इफेसुस 3:16

अरा ऎन गोहरारदन का, आस तंग्‍है महबा ही खुर्जी ही लेक्खा नीम निम्है भितरी ता आल नू बड़ियर मना गे तंग्है बॊलतस ती सवंग चि'अदस नेकअन।

इफेसुस 6:10

छेद्द नू ऎन एन्देर ब'अदन का उर्बस नू अरा आसी कोड़हे पया नू सवंगिय मना।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 4:1

औंगे अना एंग्‍है चोन्हा भईरो, एंग्है संगेरो, नीम उर्बस नू बन्चका र'आ। ऎन निमन चोन्हा नन्दन अरा ऎरा गे पत्तारदन। नीमिम एंग्है रिझ अरा एंग्है नलख गे ख़क्ख्रका इनाम हिकदर।

फिलिप्‍पी 4:13

एंगा पया चि'ऊ मसीस ती ऎन उर्मिन नना ओंग्दन।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

कोलोस्से 4:2

गोहरारतेम र'आ, अरा धर्मेस गे धन्‍यवाद नना ती गोहरारना नू एज्रका र'आ।

1 थेस्‍सलोनिकॆयर 3:8

नीम धर्मेस नू पत्त'अना नू बड़ियर मन्नुम कादर, ईद एमा गे पुना उज्‍जनन चि'ई।

1 थेस्‍सलोनिकॆयर 5:6

औंगे नाम नन्‍नर ख़न्‍द्रनर अन्ने अम्‍बोत ख़न्‍द्र'आ। लिकिन नाम एज्रका अरा जगचका र'अना र'ई।

2 थेस्‍सलोनिकॆयर 2:15

औंगे भईरो, नीम बड़ियर मन्नुम कला अरा एम्‍है बई ती मेंजका कत्‍था ती महले एम्‍है चिठी ती नीम सिख्रका र'अदर अदिन धर'आ।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

2 तीमोथियुस 2:1

औंगे एंग्‍है ख़द्द तिमोथियु, नीन मसी येसुसी चि'अना आ मया नू बड़ियर मना।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।

दहदर मंजका कत्‍था 16:15

उर्बस ब'अदस, “ऎरा, ऎन ख़लबर लेक्‍खा आचका बरदन। नॆ एज्रका र'अदस, अरा तंग्है किचरी कुट्ठिन अत्तका र'अदस का लंगड़ा अम्‍बोस कुद्दा, अरा आलर आसिन लंगड़ा अम्‍बोर ऎरा, आस आसीस ख़क्ख'ऊ र'अदस।”