1 कोरिन्‍थ 16:1 - पुना गच्छरना NT (BSI)

¹ अक्‍कु येरुसलॆम ता नेम्‍हा आलर गे ख़ॊजना बरार ही पत्त नू एंग्‍है ब'अना ईद र'ई का, गलातिया जिला ता कलीसिया गुट्ठी गे नना गे ऎन एन्‍देर पॆसकादन, अदन नीम हूँ नना।

1 कोरिन्‍थ 16:1 ပူးပေါင်းရင်းမြစ်များ

त‍इरकर 11:28

आर ही ती ओर्तोस हगाबोस नामे आलस इज्‍जस अरा नेम्हा बॊलतासी संगरा ती बाचस का सौंसे रोमी राजी नू नगदे अकाल मन्ना र'ई। अरा ई आकाल बॆल क्‍लौदियोसी राजी नन्ना बेड़ा नू मंजा।

त‍इरकर 11:30

आर अन्नेम नंजर ती इनाम आबोन बरनबास अरा स‍उलसी ख़ेक्खा नू चिच्‍चर। आर अदिन येरुसलॆम ता सेयान आलर गुसन ओन्‍द्रर चिच्‍चर।

त‍इरकर 16:6

नेम्‍हा बॊलतस आरिन आसिया नू दौ कत्‍था तेंगा गे छेंकचस ती आर फ्रुगिया अरा गलातिया चकभार नू मन्नुम केरर।

त‍इरकर 18:23

फिन पौलुस जोक्‍क उल्‍ला अन्‍तियोख़ेया नू रहचस। तहाँ आस गलातिया अरा फ्रुगिया चक मन्नुम ती अड्डा अड्डा कुद्दनुम उर्मी पत्त'ऊ आलारिन बड़ियर नंजस।

त‍इरकर 24:17

कयनो बछर गूटी नन्ना देस नू रहचका ही ख़ॊख़ा ऎन एंग्‍है आलर गे दान अंड़सत'आ गे अरा धर्मेसी मन्दिर नू दाँड़े अरग'आ गे येरुसलॆम बरचका रहचकन।

त‍इरकर 9:13

लिकिन हनानियास आनाकिर्ताचस, “उर्बायो! ऎन कैनो बग्‍गे आलर ती मेंजकादन का ईस येरुसलॆम नू निंग्‍है नेम्‍हा आलारिन नगदे डाहचकाचस।

त‍इरकर 9:41

पतरस तंग्‍है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्‍जना ऎदस।

रोमी 12:13

चाड़ नू र'ऊ धर्मेसी आलर गे निम्‍है गुसन एन्‍द्रा र'ई अदिन ख़ट्टा, पाही ऎरना नू बोथ्रका र'आ।

1 कोरिन्‍थ 11:34

नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।

1 कोरिन्‍थ 16:15

अना भईरो! नीम स्‍तेफनासी एड़पातारिन अख़दर, आर अख़ाया चक नू मसीसिन इंझ्रका पहिल आलर हिकनर। अरा आर नेम्‍हा आलर ही तेतर सुसर गे तमन चिच्का र'अनर। औंगे ऎन निमन ने'अदन का,

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

गलातिया 1:2

अरा तइरका पौलुस एंग्‍है तरती अरा एंग्‍है संगे र'अनर अबड़ा भईर तरती हूँ गलातिया चकभार नू र'ई अबड़ा कलीसिया गुट्ठी गे ई चिठिन त‍इय्‍दम।

गलातिया 2:10

आर ही ब'अना रहचा कीड़ा आलारिन सहाड़ा नना गे अमके मॊधर'आ ऎन हूँ एन्नेम नना बेद्दालिक्‍कन।

फिलॆमॊन 1:7

अना एंग्है भई, नीन नेम्हा आलर ही जियन हरियर नंजका र'अदय। निंग्‍है चोन्‍हा एंगा गे हूँ कोड़हे रिझ अरा जिया सालनन चिच्की र'ई।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

1 यॊहन 3:17

एकअम आलस ई ख़ॆख़ेल ता धन खुर्जी र'ऊ र'अना ती तंग्है संगे मसी भईस चाड़ नू र'अनन ईरका ती हूँ, आस आसी मइय्याँ सोग्गे मल ऎरदस होले, ईद इदन सेब्बा ईद'ई का आस नू धर्मेसी चोन्हा मलकी।