1 कोरिन्‍थ 15:4 - पुना गच्छरना NT (BSI)

⁴ अरा आस मसड़ा नू उइतारस। अरा नेम्‍हा पुथी नू लिख्रका लेक्‍खा तिसर उल्‍ला उज्‍जा चॊचस।

1 कोरिन्‍थ 15:4 ပူးပေါင်းရင်းမြစ်များ

मत्तायोस 12:40

यॊनास एकासे तीन उल्‍ला माख़ा कोहाँ इंजो ही कूल नू रहचस, अन्नेम मनवा ख़द्दन ऎन तीन उल्‍ला माख़ा ख़ॆख़ेल भितरी र'ओन।

मत्तायोस 16:21

आ बेडा ती येसुस तंग्‍है चेलारिन तेंगा हेलरस का “एंगा गे येरुसलॆम काना दिम मनो, अइय्या यहूदी सेयान आलर अरा मुध नैगर अरा नॆग सिखाब'उर ती अजम खिलपत मन्ना मनो अरा पिटतार'ओन, लिकिन ऎन तीन उल्‍ला ख़ॊख़ा उज्‍जा चॊर'ओन।”

मत्तायोस 20:19

अरा नॆ यहूदी मलनर आर ही ख़ेक्खा नू एंगन हींड़'आ गे तुप्‍प'आ गे अरा कोर्रा ती लौ'आ गे क्रुस नू अरग'आ ती पिटा गे चि'ओर। लिकिन ऎन उल मुन्‍द नू केचका ती उज्‍जा चो'ओन।”

मरकुस 9:31

एन्‍देरगेका ई बेड़ा नू आस तंग्‍है चेलारिन ओन्‍टा मुदे कत्‍थन सिखाब'आलियस। आस आरिन ब'आलियस, “उन्‍दुल जोक्‍क आलर मनवा ख़द्दन एंगन नन्ना आलर ही आकुस नू चि'ओर, अरा आर एंगन पिटोर। लिकिन उल मुन्‍द नू ऎन केचका ती उज्‍जा चो'ओन।”

लू‍कस 24:26

एन्‍देर ईद चाड़ मल रहचा का मसीस गे एन्ने इबड़ा खिलपतन चॊद'अरकी तंग्‍है महबा नू कोर'ओस?”

लू‍कस 24:46

अरा आरिन बाचस, “नेम्हा पुथी नू लिख्रकी र'ई का मसीस दुक्‍खे चॊद'ओस अरा तिसर उल्‍ला केचका ती उज्‍जा चो'ओस।

लू‍कस 9:22

तहाँ येसुस आरिन बाचस, “मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तिसर उल्‍ला उज्‍जा चॊर'ओन।”

यॊहनस 19:38

इबड़ा ही ख़ॊख़ा अरिमतिया पद्दा ता यॊसॆफस येसुसी मॆदन हो'आ गे पिलातुस गुसन नॆचस। आस येसुसी चेला रहचस। यहूदीर ही इल्चका ती आस तंगन आसी चेलस एन्ने दहदर मल नंजकाचस। पिलातुस मॆदन हो'आ चिच्‍चस ख़ने, आस बरचस ती येसुसी मॆदन होच्‍चस केरस।

त‍इरकर 1:3

येसुस दुक्‍खे भोगचका अरा केचका ख़ॊख़ा आर गे कोड़हे सबुत ऎदस का तान उज्‍जालदस। अरा आर गे बग्गे हॆल चालीस उल्‍ला गूटी ऎथ्रते रहचस अरा धर्मेसी राजी ही पत्त नू कछनख्रते रहचस।

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

1 पतरस 1:11

मसीसी बॊलता आर ही नू रहचा, अरा आरिन तिंगिया का एकासे मसीस दुक्‍खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।