1 कोरिन्‍थ 15:32 - पुना गच्छरना NT (BSI)

³² ऎन इफेसुस नगरे नू ख़ॆख़ेल ता उज्‍जना गे लेका जंगल-मेक्‍खो लेक्खा अइय्या ता आलर गने अरबानख्रकन होले, एंगा एन्‍देर फैदा मनो? लिकिन केच्‍चकर उज्‍जा मल चो'ओर होले, “नाम ओनोत अरा मॊख़ोत, एन्देरगेका नॆला गा नाम खे'ओत” एन्ने ब'आ ओंगोत दने।

1 कोरिन्‍थ 15:32 ပူးပေါင်းရင်းမြစ်များ

लू‍कस 12:19

अरा ऎन एंग्‍‍है जियन ब'ओन, ‘निंगा गे नगदे चान गुट्ठी गे बग्‍गे जिनिस उइरकी र'ई, नीन ख़न्न ऎख़य, ओनय, मॊख़य अरा रिझ्र'अय।’

लू‍कस 9:25

ओन्‍टा आलस ई ख़ॆख़ेल ता उर्मी जिनिसन अर्ज'अदस, लिकिन तंग्‍है जियन नठाब'अदस महले एबसदस होले, आस गे एन्‍देर नाफा मनो?

त‍इरकर 18:19

आर इफेसुस नगरे अंड़सियर। फिन पौलुस प्रिसका अरा अकुलासिन असानिम अम्‍बियस। अरा तान यहूदीर ही गोड़हा एड़पा नू केरस ती यहूदीर गने कत्‍था बरता ननालियस।

त‍इरकर 18:21

अरा आस आर ही ती बिदा मंजस ती बाचस, “धर्मेसी मने र'ओ होले ऎन अउरिम बर'ओन।” आस इफेसुस नगरे ती कोहाँ डोंगा ती उरखस।

त‍इरकर 19:1

एका बेड़ा नू अप्‍पोल्लॊस कोरिन्‍थ नगरे नू रहचस, पौलुस भितरी चक गुट्ठी ती डहरे ऎका लगियस ती इफेसुस अंड़सियस। आस गे असन जोक्‍क पत्त'ऊ आलर ख़क्‍ख्रर।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

1 कोरिन्‍थ 16:8

लिकिन ऎन पेन्‍तॆकोस्‍तॆ उल्‍ला गूटी इफेसुस नगरे नू र'ओन।

गलातिया 3:15

अना भईरो! उर्मी उल्‍ला ता उज्‍जनन जोखदन ती तेंगदन। आलर नू गच्‍छरना बड़ियर कम्रकी र'ई होले अत्रु नॆ हूँ जोड़'आ पोलनर महले अइय्या एन्‍देर हूँ घटाबआ पोलनर।

2 पतरस 2:12

लिकिन इबड़ा ठकवा सिखाब'उर गा ताम मल बुझुरका कत्था गुट्ठी नू निंदा नन्नर। ईर आलर ही सुबहा मलका मेक्खो गुट्ठी लेक्खा र'अनर। ईर तम्है सुबहा ही लेक्खा ऎकना उज्जना आलॊ गुट्ठी लेक्खा र'अनर। ईर धरतारकी लौर'आ अरा पिटर'आ गेम कुन्द्रका र'अनर। मेक्खो गुट्ठी लेक्खम ईर हूँ नठार'ओर।

यहूदा 1:10

लिकिन इबड़ा ठकवा सिखाब'उर गा अख़'अम बलनर अबड़ा कत्था ही बिड़दो नू निंदा नन्नर। अरा सोच'आ पोलना मेक्खो लेक्खा तम्है सुबहा ही लेक्खा एन्द्रन अख़'आ ओंगनर, अबड़न दिम नन्नर, अरा अत्रु तिम नठारनर कानर।