1 कोरिन्‍थ 14:6 - पुना गच्छरना NT (BSI)

⁶ अना भईरो! ऎन निम्‍है गुसन बरदन ती कैनो मदहे बकना भखा गुट्ठिन कछनख्रदन होले, आद ती निमा गे इन्द्रिइम फैदा मनो का? लिकिन ऎन धर्मेस ती दहदर मन्‍ना कत्‍थन मलता लूरन मलता धर्मेसी कत्‍थन मुन्‍द तेंगनन मलता सिखाब'अनन निमा गे ओन्‍द्रदन होले, आद ती फैदा मनो।

1 कोरिन्‍थ 14:6 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मत्तायोस 16:26

ओन्‍टा आलस ई ख़ॆख़ेल ता उर्मी जिनिसन अर्ज'ओस, अरा धर्मेस गने जनमजुग ही उज्‍जनन एबस'ओस होले, आस गे एन्‍देर नाफा मनो? आलस एबस्रका उज्‍जनन फेन ख़क्‍खा गे ऊजी नू एन्‍दरन हूँ चि'आ पोल्‍दस।

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

रोमी 15:14

अना भ‍ईरो! ऎन एंग्‍है तिम निम्‍है पत्त नू दौ अख़दन का नीम दौ ती निन्‍ददर अरा उर्मी रकम ही लूर ती बड़ियर मनरकी अपन ती नन्नारिन चेता ब'आ ओंग्दर।

रोमी 16:17

अना भ‍ईरो! निमन ऎन गोहरारदन का नीम एन्‍देर सिखाब'अना ख़क्‍खकर अदही बिड़दो नू निमन ख़ाँड़नर‍ अरा निम्‍है डहरे ती मूड़त'अनर आर ही ती चिहुंक अरा तरकूटी र'आ।

रोमी 6:17

धर्मेसी धन्‍यवाद नन्‍दन का नीम गा मुन्‍द पाप ही बिट्ठी ननू जॊंख़ रहचकर, लिकिन अक्‍कु नीम मानिम नू आ सिखाब'अना ही डहरे नू ऎका हेलरकर, एकदन ऎम निमा सिखाबाचकम।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 14:1

चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

1 कोरिन्‍थ 14:7

अन्नेम ख़रख़ना बसरी अरा तमुर्रा लेक्‍खा बजा गुट्ठिन ऎरा। अत्रु ख़रख़ना राग ती अदही बक्‍क मल फुटुर'ई होले, बसरी ती महले तमुर्रा ती एन्‍देर अस्‍सतार'आली एन्ने नेक‍ईम अख़'आ ओंग्‍दर का?

2 कोरिन्‍थ 11:6

ऎन भासन चि'अना नू सवंगिय मलदन, अन्नु हूँ लूर नू अन्ने मला। ऎम गा इदन उर्मी तरती उर्मी कत्‍था नू दहदर नंजकादम।

2 कोरिन्‍थ 12:1

एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

2 कोरिन्‍थ 12:7

अन्नु हूँ एंगा नू धर्मेसी कोड़हे देखार दहदर नन्तारकी र'ई। ऎन इबड़ा नू फुलई अम्‍बोन मना। औंगे एंग्‍है कया नू ओन्टा अच्‍च कुड़चका र'ई। ईद एंगा गे सस्ती चि'ऊ सैतान ही ओन्टा पैकस हवे, औंगे ऎन फुलई मल मनोन दने।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 3:4

ऎन निमा एन्देर लिखचका र'अदन, अदिन नीम पढ़'ओर होले, मसीसी गम चिताबुता ही पत्त ता एंग्है बुझुरकन नीम अख़'आ ओंगोर।

फिलिप्‍पी 3:15

औंगे नम्‍है नू एवंदा आलर बड़ियर मंज ख़च्चकानर, आर ओर्मर एन्नेम सोचनर नेकअन। अरा एकअम कत्‍था नू नीम नन्नम सोच नू र'अदर होले, अदिन हूँ धर्मेस दिम फरी ननोस।

2 तीमोथियुस 2:14

नीन इबड़ा कत्‍था गुट्ठिन आरिन सिखाब'अते र'आ। अरा धर्मेसी मुन्‍दहारे तिगाब'आ का सिख्रका कत्‍था गुट्ठी ही माने ही पत्त नू अम्‍बोर नग्‍गानखर'आ। अत्रु एन्‍देर हों मल धार'ई, लिकिन मिनू आलर बगड़ारनर कानर।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।

2 तीमोथियुस 3:16

धर्मेसी उर्मी नेम्‍हा कत्‍था धर्मेसी रस्‍सका लिख्रकी र'ई। आद आलारिन मानिम आबोन सिखाब'आ गे, अरा आलारिन तम्‍है उज्‍जना ही मलदौ आबोन बुझाब'आ गे, अरा आलर तम्‍है मलदौ आबोन अम्‍बत'आ गे, अरा एकासे उजगो उज्‍जना र'ई अदन सिखाब'आ गे सहाड़ा ननू र'ई।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।

2 पतरस 1:5

ई चड्डेम नीम उर्मी रकम ही चिहुट ती निम्है पत्त'अना गने दौ गुन्न आबोन जोड़'आ, अरा दौ गुन्न गने लूरन जोड़'आ।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

2 यॊहन 1:9

एकास मसीसी सिखाब'अना नू बन्चका मल रहचका ती अइय्या ती चाड़दस, आस गे धर्मेस गने नता मल र'ई। लिकिन एकास मसीसी सिखाब'अना नू बन्चका र'अस, आस गे धर्मे बंगस अरा ख़द्दस इरबर ही गने नता र'ई।