1 कोरिन्‍थ 14:4 - पुना गच्छरना NT (BSI)

⁴ कैनो मदहे बलना भखा गुट्ठिन कछनख्र'उस तंगन बड़ियर नन्त'आ गे कछनख्रदस, लिकिन धर्मेसी कत्‍थन मुन्‍द तिंगुस कलीसियन बड़ियर नन्त'आ गे तेंग‍दस।

1 कोरिन्‍थ 14:4 ပူးပေါင်းရင်းမြစ်များ

मरकुस 16:17

अरा पत्त'उर गे इबड़ा चिन्‍हा मनो: आर एंग्‍है आकुस ती नादन ओथ्र'ओर, पुना पुना भखा कछनख्र'ओर।

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

1 कोरिन्‍थ 12:10

अरा नन्नस गे हैकट नलख गुट्ठी नन्ना ही सवंग, अरा नन्नस गे धर्मेसी कत्‍थन मुन्‍द तेंगना, अरा नन्नस गे बॊलता गुट्ठिन लखना, अरा नन्नस गे कैनो मदहे बलना भखा गुट्ठिन कछनख्रना, अरा नन्नस गे आ कैनो मदहे बलना भखा गुट्ठी ही मने तेंगना ही सवंग चीरकी र'ई।

1 कोरिन्‍थ 12:28

अरा धर्मेस कलीसिया नू जोक्‍क आलारिन ओकताचकादस। पहिल गा तइरकारिन, दोसर धर्मेसी कत्‍थन मुन्‍द तिंगुरिन, तिसर धर्मेसी कत्‍था सिखाब'उरिन ओकताचकादस। अदही ख़ॊख़ा हैकट नलख गुट्ठी ननुरिन, अदही ख़ॊख़ा कोड़े नना गे सवंग ख़क्‍खका आलारिन ओकताचकादस। अदही गने नन्नर गे संगरा ननुरिन, अरा कड़हाब'उरिन, अरा कैनो मदहे बलना भखा गुट्ठिन कछनख्र'उरिन ओकताचकादस।

1 कोरिन्‍थ 13:1

ऎन आलर ही भखा गुट्ठिन अरा मेर्ख़ा पैकर ही भखा गुट्ठिन कछनख्रदन, लिकिन एंग्‍है नू चोन्‍हा मलकी होले, ऎन ठिंन ठिंनरना पितल अरा झनझनरना झाँझ लेका हिकदन।

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।

1 कोरिन्‍थ 14:12

निमा गे हूँ अन्नेम हिके। नीम बॊलतासी इनाम गुट्ठिन ख़क्‍खा गे मने नन्‍दर ख़ने, अबड़ा ती कलीसियन बड़ियर नन्‍त'आ गे बेद्दा।

1 कोरिन्‍थ 14:22

औंगे बलना भखा नू कछनख्रना पत्त'उर गे मला मल पत्त'उर गे धर्मेसी रायबड़ी ही चेताब'अना ही चिन्‍हा हवे। अरा धर्मेसी कत्‍थन मुन्‍द तेंगना मल पत्त'उर गे मला पत्त'उर गे र'ई।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

1 कोरिन्‍थ 14:3

लिकिन धर्मेसी कत्‍थन मुन्‍द तेंगुस आलारिन बड़ियर नन्त'आ गे अरा रिझ्रत'आ गे अरा जिया सालनन चि'आ गे तेंगदस।

1 कोरिन्‍थ 14:5

नीम ओर्मर कैनो मदहे बलना भखा गुट्ठिन कछनख्र'आ गे ऎन पत्तारदन। अन्नु हूँ कैनो मदहे बलना भखा गुट्ठिन कछनख्र'उस कलीसियन बड़ियर मन्‍त'आ गे अदही मनेन मल तेंगदस होले, धर्मेसी कत्‍थन मुन्‍द तिंगुस आस ती कोहँस र'अदस। औंगे नीम धर्मेसी कत्‍थन मुन्‍द तिंगुर मना गे ऎन कोड़हे पत्तारदन।