3 लिकिन धर्मेसी कत्थन मुन्द तेंगुस आलारिन बड़ियर नन्त'आ गे अरा रिझ्रत'आ गे अरा जिया सालनन चि'आ गे तेंगदस।
ई लेक्खा यॊहनस सिखाब'अरकी आलारिन धर्मेस हेद्दे किर्रा गे चेताब'अते र'आलियस। आस आरिन दौ कत्था हूँ मेन्ताचस।
पॆसका ही पुथी अरा धर्मेसी कत्था तिंगुर ही पुथी ती पढ़चका ख़ॊख़ा, गोड़हा एड़पा ता मुद्धर आरिन एन्ने बाचर तइय्यर, “भईरो! नीम आलारिन रिझ्रता गे इन्द्रिइम ब'आ बेद्ददर होले ब'आ।”
अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”
यूदस अरा सीलास हूँ गा धर्मेसी कत्था तिंगुर रहचर। आर भइय्योरिन कोड़हे कत्था बाचर ती जिया सालना चिच्चर अरा आरिन बड़ियर नंजर।
यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे तइरकर बरनबास नामे पिंजकाचर इदही माने “रिझ्रत'ऊ ख़द्दस” हवे।
आ उल्ला सौंसे यूदेया गलिलेया अरा समारिया नू कलीसिया नू सान्ति ख़क्खरा अरा बड़ियर मन्नुम केरा। अरा पत्त'उर उर्बासी एल्चना नू उज्जा लगियर। अरा आर नेम्हा बॊलतासी जिया सालना ख़क्खियर ती गन्ती नू परदनुम काला लगियर।
एकास गे रिझाब'अना ही ख़ंजपा र'ई, आस नन्नारिन रिझाब'अना नू बोथ्रका र'अना र'ई। अरा एकास गे दान चि'अना ही ख़ंजपा र'ई आस चि'अना नू हरकट मन्ना र'ई। एकास गे कड़हाब'अना ही ख़ंजपा र'ई आस गे अदिन मानिम गने नन्ना र'ई। एकास गे सोग्गे ऎदना ही ख़ंजपा र'ई, आस गे अदिन रिझ ती नन्ना र'ई।
औंगे नाम एकदा कोड़े आबोन उन्द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्दत नेकअन।
नमा ओर्मत गे तम्है अरबर-परबारिन दौ गे आरिन पत्त'अना नू बड़ियर मना ओंगोर अदगे सहाड़ा नन्ना र'ई।
निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।
निमा गे हूँ अन्नेम हिके। नीम बॊलतासी इनाम गुट्ठिन ख़क्खा गे मने नन्दर ख़ने, अबड़ा ती कलीसियन बड़ियर नन्त'आ गे बेद्दा।
नीम गा नगदे बॆस गने ओहमा नन्दर, लिकिन नॆ निम्हैन मेन्दस आसिन आद बड़ियर मल ननी।
तहाँ अना भईरो, नीम एन्देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्है नू दहदर मंजका कत्थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्त'आ गे नन्ना र'ई।
ई लेक्खम नीम ओर्मर ओर्तोसी ख़ॊख़ा ओर्तस धर्मेसी कत्थन मुन्द तेंगा ओंग्दर, औंगे ओर्मर सिख्र'आ अरा बड़ियर मना ओंगनर।
अक्कु मूर्ती गुट्ठी गे दाँड़े अरगका ओन्ना-मॊख़ना ही पत्त नू एंग्है ब'अना ईद र'ई का नाम ओर्मत गे इदही पत्त ता लूर र'ई का मूर्ती गुट्ठी गे दाँड़े अरगका ओन्ना-मॊख़नन मॊख़ना पाप मलकी। लूर आलारिन फुलई मन्त'ई, लिकिन चोन्हा आलारिन कम'ई।
आस दिम उर्मी कलपारना ती नमन जिया सालत'अदस। औंगे ऎम धर्मेस तरती ख़क्ख्रका जिया सालना ती, एकअम कलपारना नू र'उरिन जिया सालत'आ ओंग्दम।
औंगे अक्कु नीम आसिन छमा नन्ना ती जिया सालत'अना र'ई। मला होले आस कोड़हे दुक्ख नू मुलख़ोस क'ओस।
एकअम मलदौ कत्था निम्है बई ती मल उरखना र'ई। लिकिन मिनुर गे दौ ख़क्खा गे, आर ही चाड़ ही लेक्खा आरिन परदना ही संगरा ननू कत्था गुट्ठिन लेका ब'आ।
आसिन ऎन निम्है गुसन इदगेम तइय्यालदन का नीम एम्है पत्त नू अख़'आ ओंगोर, अरा आस निमन जिया सालत'आ ओंगोस।
नीम एम्है दसा गुट्ठिन अख़'आ गे अरा आस निम्है जिया गे सान्ति चि'आ गेम, आसिन ऎन निम्है गुसन तइय्कादन।
नीम अख़दर का एकासे ओर्त बंगस तंग्है ख़द्द-ख़र्रन नन्दस। अन्नेम निमा ओर्त ओर्त गे नंजकम।
एन्देरगेका एम्है सिखाब'अना लहर'अना ती मला, महले मलदौ मने गुट्ठी मला, महले ठकना मला।
अरा ऎम तीमोथियुसिन निम्है हेद्दे तइय्कम। आस एम्है भईस अरा मसीसी दौ कत्था तेंगना नू धर्मेसी जॊंख़स हिकदस। अरा आस निम्है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।
अक्कु अना भईरो, ऎम गोहरारदम अरा उर्बा येसुस नू आनदम, एकासे उज्जना ओक्कना र'ई अरा धर्मेसिन पत्तारना र'ई अदिन नीम एम्है तिगाब'अना ती अक्कादर। अरा अन्नेम उज्जा ओक्का लगदर, अइय्या अउरिम परदा।
औंगे इबड़ा कत्था गुट्ठी ती ओर्त ओर्तोरिन रिझ्रत'आ।
एन्ने आलर दौ गने उज्जना र'ई अरा तमा ओना गे तमा गेम नलख नन्ना र'ई, अन्नेम ऎम उर्बस येसु मसीस ती पॆसदम अरा रिझ्रत'अदम।
अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्है बेड़न अनभनियाँ मुंजनन अम्बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्जना उज्जा गे संगरा मल मनी।
एंग्है बरना गूटी नीन कलीसिया नू धरम पुथी पढ़ना, कत्था तेंगना अरा सिखाब'अना नू लक्का र'आ।
अरा पत्त'ऊ उर्बर ही किइय्या ता बिट्ठी ननू जॊंख़र तम्है उर्बर पत्त'ऊ र'अना चड्डे आरिन जुक्किम मईन अम्बोर नना। आर गे अउर हूँ बग्गे मईन मरजात नन्ना र'ई। एन्देरगेका आर पत्त'ऊ आलारिन संगरा अरा चोन्हा नन्नर। इबड़ा कत्थन नीन कलीसियन सिखाब'आ अरा बुझाब'आ।
नीन दौ कत्थन तेंगा कुद्दा, अरा बेड़ा कु बेड़ा नू हूँ दौ कत्था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्बा गे आना, अरा आलारिन निंग्है दौ सिखाब'अना ती रिझ्रत'आ।
अरा आस गे सिखाबाचका मानिम कत्था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही बइय्यन उट'आ ओंगोस।
नीन इबड़ा कत्था गुट्ठिन पत्त'ऊ आलर गे सिखाब'अत र'आ। अरा इबड़न नना गे रिझाब'आ। अरा उर्मी आकुस गने तेंगा का आर ही उज्जना नू एन्देर मलदौ र'ई। निंग्है एन्ने ब'अना ती नॆ हूँ निंगन अम्बोर ख़ाँड़'आ नेकअन।
एन्नेम जॊंख़ मॆतारिन हों नॆत नॆग ती उज्जा गे रिझाब'आ।
बिट्ठी ननू जॊंख़ारिन ब'आ का आर गे सगरो तम्है उर्बर ही उर्मी कत्था नू गदन'ऊ मन्ना र'ई, अरा आरिन खुसमारत'अना र'ई। अरा आरिन अम्बोर किर्रा बिड़द'आ।
अरा एकासे जोक्क आलर नन्नर अन्ने नमा ख़ॊंड़रनन मल अम्बना र'ई। नाम अख़दत का धर्मेस आलारिन राजी नन्ना ही उल्ला हेद्दे अंड़सा लगी। औंगे तंग्है ती नन्नारिन रिझ्रत'अनुम र'ओत।
अना भईरो! ऎन जुक्की दिम निमा गे लिखचका ई चेताब'अना ही कत्थन नीम इंझ्र'आ गे गोहरारदन।
लिकिन एका गूटी “इन्ना” ता उल्ला र'ई आ गूटी नीम उर्मी उल्ला ओर्त ओर्तारिन रिझाब'आ, होले नॆ हूँ पाप ही फन्दा नू बझ्र'ओर ती धर्मेसी बिड़दो नू बेड़हा मल मनोर।
ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।
लिकिन अना दुलारो, नीम गा निम्है कोड़हे नेम्हा पत्त'अना नू निम्है उज्जनन परद'आ, अरा नेम्हा बॊलतस नू गोहरारते र'आ।