1 कोरिन्‍थ 14:2 - पुना गच्छरना NT (BSI)

² एन्‍देरगेका एकास कैनो मदहे बलना भखा गुट्ठिन कछनख्रदस, आस आलर ती मला लिकिन धर्मेस ती कछनख्रदस। नॆ हूँ अदिन मल बुझ्रनर, लिकिन आस बॊलतस ती नुंख़्रका मानिमन तेंगदस। लिकिन आद ओर्मर गे गम र'ई।

1 कोरिन्‍थ 14:2 ပူးပေါင်းရင်းမြစ်များ

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

मरकुस 16:17

अरा पत्त'उर गे इबड़ा चिन्‍हा मनो: आर एंग्‍है आकुस ती नादन ओथ्र'ओर, पुना पुना भखा कछनख्र'ओर।

मरकुस 4:11

आस आरिन बाचस, “धर्मेस आलर ही उज्‍जना नू राजी नन्ना ही पत्त नू आलर मुन्‍द मल बुझ्रर। ऎन निमा गे अदन अख़'आ गे अरा बुझुर'आ गे नन्‍दन। लिकिन नॆ तम्है उज्‍जनन धर्मेसिन राजी नना मल चि'अनर आर गे ऎन उर्मी कत्‍थन जोक्‍खा ख़ीरी रूपे लेका ब'अदन।

त‍इरकर 10:46

एन्‍देरगेका आर नन-यहूदीर नन्ना नन्ना भखा नू कछनख्रना अरा धर्मेसी ओहमा नन्नन मेना लगियर। ख़ने पतरस बाचस,

त‍इरकर 19:6

अरा पौलुस आर ही म‍इय्याँ ख़ेक्खा ओक्‍ताचस ख़ने, आर ही म‍इय्याँ नेम्‍हा बॊलतस इत्तियस, अरा आर नन्ना नन्ना भखा कछनख्र'आ हेलरर अरा धर्मेसी कत्‍थन मुन्द तेंगा हेलरर।

त‍इरकर 22:9

एंग्‍है संगे रहचका आलर बिल्‍लिन गा ईरियर, लिकिन एकास एंग्‍है गने कछनख्र'आ लगियस आसी ब'अनन मल मेंजर।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

1 कोरिन्‍थ 12:10

अरा नन्नस गे हैकट नलख गुट्ठी नन्ना ही सवंग, अरा नन्नस गे धर्मेसी कत्‍थन मुन्‍द तेंगना, अरा नन्नस गे बॊलता गुट्ठिन लखना, अरा नन्नस गे कैनो मदहे बलना भखा गुट्ठिन कछनख्रना, अरा नन्नस गे आ कैनो मदहे बलना भखा गुट्ठी ही मने तेंगना ही सवंग चीरकी र'ई।

1 कोरिन्‍थ 12:28

अरा धर्मेस कलीसिया नू जोक्‍क आलारिन ओकताचकादस। पहिल गा तइरकारिन, दोसर धर्मेसी कत्‍थन मुन्‍द तिंगुरिन, तिसर धर्मेसी कत्‍था सिखाब'उरिन ओकताचकादस। अदही ख़ॊख़ा हैकट नलख गुट्ठी ननुरिन, अदही ख़ॊख़ा कोड़े नना गे सवंग ख़क्‍खका आलारिन ओकताचकादस। अदही गने नन्नर गे संगरा ननुरिन, अरा कड़हाब'उरिन, अरा कैनो मदहे बलना भखा गुट्ठिन कछनख्र'उरिन ओकताचकादस।

1 कोरिन्‍थ 13:1

ऎन आलर ही भखा गुट्ठिन अरा मेर्ख़ा पैकर ही भखा गुट्ठिन कछनख्रदन, लिकिन एंग्‍है नू चोन्‍हा मलकी होले, ऎन ठिंन ठिंनरना पितल अरा झनझनरना झाँझ लेका हिकदन।

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।

1 कोरिन्‍थ 14:16

मला होले नीम निम्‍है बॊलता ती धर्मेसिन ओहमा ननो बारी, नेम्‍हा बॊलतासी इनाम गुट्ठी ही पत्त नू बल्‍लू आलस निम्‍है मझी र'अदस होले, निम्‍है ओहमा नन्‍नन मेनोस ती आस एकासे “आमेन” ब'ओस। एन्‍देरगेका नीम एन्‍देर बाचकर अदिन आस गा बलदस।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

1 कोरिन्‍थ 15:51

ऎरा! ऎन निमन ओन्‍टा नूख़्रका भेद ही कत्‍थन तेंगदन। नाम ओर्मत मल खे'ओत, लिकिन छेद्द पेंड़हे ख़रख़ना बारी, ओन घड़ी नू, ख़न्न मिटक'अना गनेम लेक्खा चाड़हेम नाम ओर्मत बदलार'ओत क'ओत। एन्‍देरगेका पेंड़हे ख़रख़ो ख़ने, केच्‍चकर जनमजुग उज्जा गे उज्‍जा चो'ओर, अरा नाम हूँ बदलार'ओत क'ओत।

1 कोरिन्‍थ 2:10

लिकिन धर्मेस तंग्‍है नेम्‍हा बॊलतस ती अबड़न नमा गे दहदर नंजस, एन्‍देरगेका नेम्‍हा बॊलतस उर्मी कत्‍थन अरा धर्मेसी ख़ोड़ख़ा गम कत्‍थन हूँ अगम'ई।

1 कोरिन्‍थ 2:7

ऎम गा धर्मेसी लूरन, नूख़्रका गम आबोन लेका तेंगदम। इदन धर्मेस ख़ॆख़ेल ही ऒरे ती मुन्‍द तिम नाम मसीसी महबा नू हिसा मना गे ठनचस।

इफेसुस 6:19

अरा एंगा गे हूँ गोहरार'आ का ऎन एका एका बारी धर्मेसी कत्थन तेंगोन, आ बारी डिढ ती दौ कत्‍था ही गम आबोन तेंगा गे धर्मेस कत्था गुट्ठिन चि'अदस नेकअन।

कोलोस्से 2:2

नीम हूँ अरा आर हूँ रिझ्रारकी चोन्‍हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्‍खोर ती धर्मेसी गम आबोन अख़'ओर चि'ओर। आ गम मसीस दिम हवे।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 तीमोथियुस 3:9

अरा आर पत्त‍'अना ही मानिम गड्डी आबोन निमन लखना ती सम्ड़'ऊ उइय्‍युर र'अना र'ई।

दहदर मंजका कत्‍था 10:7

लिकिन सातवाँ मेर्ख़ा पैकास तंग्है पेंड़हेन ऊरना र'अस, अउला धर्मेसी नूख़्रका कत्‍था पुरा मनो। आस तंग्है जॊंख़र धर्मेसी कत्‍था तिंगुर गे तिंका लेक्खा अबड़ा पुरा मनो।”