1 कोरिन्‍थ 14:16 - पुना गच्छरना NT (BSI)

¹⁶ मला होले नीम निम्‍है बॊलता ती धर्मेसिन ओहमा ननो बारी, नेम्‍हा बॊलतासी इनाम गुट्ठी ही पत्त नू बल्‍लू आलस निम्‍है मझी र'अदस होले, निम्‍है ओहमा नन्‍नन मेनोस ती आस एकासे “आमेन” ब'ओस। एन्‍देरगेका नीम एन्‍देर बाचकर अदिन आस गा बलदस।

1 कोरिन्‍थ 14:16 ပူးပေါင်းရင်းမြစ်များ

मत्तायोस 15:36

अरा आस सात असमन अरा अबड़ा इंजोन होच्‍चस, अरा धर्मेसिन धन्‍यवाद ननरकी अदन किच्‍चियस। अरा अबड़न तंग्‍है चेलर गुसन चिच्‍चस। अरा चेलर अदन गोंहड़ा गे ख़ट्टियर।

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

मरकुस 16:20

अरा चेलर उरखरकी उर्मी अड्डा नू दौ कत्‍थन मेन्‍ताचर। अरा उर्बस आरिन अकबक नलख नन्‍त'अना नू आर ही गने नलख ननालियस। इबड़ा नलख गुट्ठी ई कत्‍थन मानिम साबित नंजा।] आमेन।

यॊहनस 21:25

येसुस अउर हूँ कोड़हे नलख नंजस। ऎन सोचदन का, अबड़न उर्मिन ओन्‍टे ओन्‍टे लिखना होले, लिखचका पुथी गोट्टा ख़ॆख़ेल नू मल सम'ओ दने।

यॊहनस 7:15

ख़ने यहूदीर हैकट मंजर ती ब'आ हेलरर, “ईस गे बिगर सिखिरकम इवंदा लूर एकासे बरचा?”

त‍इरकर 4:13

पतरस अरा यॊहनसी डिढ आबोन ईरियर ती अरा आर मल्‍ला पढ़चका आलर अरा आर सोया आलर बाचर ती कोहाँ सभा ता आलर अकबक मंजर केरर। फिन आर चिन्‍हचर का ईर येसुस गने रहचका आलर हिकनर।

1 कोरिन्‍थ 11:24

अरा धन्‍यवाद नंजस ती अदिन किच्‍चियस अरा बाचस, “ईद एंग्‍है मॆद हवे, ईद निमा गे हवे, एंगन सुरता नना गे इदन ननके।”

1 कोरिन्‍थ 14:14

एन्‍देरगेका ऎन कैनो मदहे बलना भखा गुट्ठिन कछनख्रना ती गोहरारदन होले, एंग्‍है बॊलता गा गोहरार'ई, लिकिन एंग्‍है मन अदही गने नलख मल ननी।

1 कोरिन्‍थ 14:2

एन्‍देरगेका एकास कैनो मदहे बलना भखा गुट्ठिन कछनख्रदस, आस आलर ती मला लिकिन धर्मेस ती कछनख्रदस। नॆ हूँ अदिन मल बुझ्रनर, लिकिन आस बॊलतस ती नुंख़्रका मानिमन तेंगदस। लिकिन आद ओर्मर गे गम र'ई।

1 कोरिन्‍थ 16:24

मसी येसुस नू र'अनर नीम ओर्मर गने एंग्‍है चोन्‍हा र'अन नेकअन।

2 कोरिन्‍थ 1:20

येसु मसीस धर्मेसी उर्मी गच्‍छरना गे “हाँ” ब'अदस। औंगेम धर्मेसी महबा गे ऎम आस ती “आमेन” ब'अदम।

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

दहदर मंजका कत्‍था 5:14

अरा अबड़ा चरियो उज्‍जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।

दहदर मंजका कत्‍था 7:12

अरा अबड़र बाचर, “आमेन! नम्‍है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्‍लो ती हुल्‍लो गूटी मनन नेकअन, आमेन।”