1 कोरिन्‍थ 14:12 - पुना गच्छरना NT (BSI)

¹² निमा गे हूँ अन्नेम हिके। नीम बॊलतासी इनाम गुट्ठिन ख़क्‍खा गे मने नन्‍दर ख़ने, अबड़ा ती कलीसियन बड़ियर नन्‍त'आ गे बेद्दा।

1 कोरिन्‍थ 14:12 ပူးပေါင်းရင်းမြစ်များ

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

1 कोरिन्‍थ 12:31

अन्नु हूँ नीम बॆस ती बॆस बॊलतासी इनाम गुट्ठिन ख़क्‍खा गे कोड़हे चिहुट नना। अक्‍कु गा ऎन निमन उर्मिन ती कोड़हे बॆस डहरे चोन्हा आबोन ऎद'ओन।

1 कोरिन्‍थ 12:7

ओर्मा आलर गे ओर्मर ही दौ नना गे नेम्‍हा बॊलतासी इनाम ख़क्‍ख्र'ई।

1 कोरिन्‍थ 14:1

चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

1 कोरिन्‍थ 14:13

ई चड्डेम एकास कैनो मदहे बलना भखा गुट्ठिन कछनख्रदस, आस अदही मनेन तेंगना ही सवंग ख़क्‍खा गे गोहरारदस नेकअन।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

1 कोरिन्‍थ 14:5

नीम ओर्मर कैनो मदहे बलना भखा गुट्ठिन कछनख्र'आ गे ऎन पत्तारदन। अन्नु हूँ कैनो मदहे बलना भखा गुट्ठिन कछनख्र'उस कलीसियन बड़ियर मन्‍त'आ गे अदही मनेन मल तेंगदस होले, धर्मेसी कत्‍थन मुन्‍द तिंगुस आस ती कोहँस र'अदस। औंगे नीम धर्मेसी कत्‍थन मुन्‍द तिंगुर मना गे ऎन कोड़हे पत्तारदन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।