1 कोरिन्‍थ 14:1 - पुना गच्छरना NT (BSI)

¹ चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

1 कोरिन्‍थ 14:1 ပူးပေါင်းရင်းမြစ်များ

रोमी 12:6

नमा ख़क्ख्रका मया ही लेक्‍खा नमा गे नन्ना नन्ना ख़ंजपा ख़क्‍ख्रकी र'ई। नॆका धर्मेसी कत्‍था तेंगना ही ख़ंजपा ख़क्‍ख्रकी र'ई होले, आस आस गे ख़क्ख्रका प‍त्त'अना ही जोखना लेक्‍खा अदिन नन्‍दस नेकअन।

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

रोमी 9:30

होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।

1 कोरिन्‍थ 12:1

अक्‍कुन अना भईरो! नीम नेम्‍हा बॊलतासी इनाम ही पत्त नू बल्‍ला गे ऎन मल बेद्ददन।

1 कोरिन्‍थ 12:31

अन्नु हूँ नीम बॆस ती बॆस बॊलतासी इनाम गुट्ठिन ख़क्‍खा गे कोड़हे चिहुट नना। अक्‍कु गा ऎन निमन उर्मिन ती कोड़हे बॆस डहरे चोन्हा आबोन ऎद'ओन।

1 कोरिन्‍थ 13:13

अक्‍कु गा पत्त'अना, असरा, अरा चोन्‍हा इबड़ा तीनो उर्मी उल्ला बन्चकी र'ओ, लिकिन इबड़ा ती चोन्‍हा दिम कोहाँ र'ई।

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।

1 कोरिन्‍थ 14:22

औंगे बलना भखा नू कछनख्रना पत्त'उर गे मला मल पत्त'उर गे धर्मेसी रायबड़ी ही चेताब'अना ही चिन्‍हा हवे। अरा धर्मेसी कत्‍थन मुन्‍द तेंगना मल पत्त'उर गे मला पत्त'उर गे र'ई।

1 कोरिन्‍थ 14:37

औंगे एकअम आलस तंगन धर्मेसी कत्‍थन मुन्‍द तिंगुस मलता बॊलतासी इनाम ख़क्‍खका आलस एन्ने सोचदस होले, आस इदन इंझ्रना र'ई का एका कत्‍थन ऎन निमा लिखदन आद उर्बासी पॆसका गुट्ठी हवे।

1 कोरिन्‍थ 14:39

औंगे अना भईरो! नीम धर्मेसी कत्‍थन मुन्‍द तेंगना ही पत्तारना नू र'आ, लिकिन बलना भखा गुट्ठिन ब'अनन अमा छेक'आ।

1 कोरिन्‍थ 16:14

नीम एन्‍देर एन्‍देर नन्‍दर उर्मिन चोन्‍हा ती नना।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

1 थेस्‍सलोनिकॆयर 5:20

धर्मेसी कत्‍था तिंगुर ही कत्‍थन अयलह'आ अमा अख़'आ।

1 तीमोथियुस 4:14

कलीसिया ही सेयान आलर निंग्‍है म‍इय्याँ तम्‍है ख़ेक्खन उइय्यो बारी धर्मेस ती निंग्‍है ख़क्ख्रका सवंग आबोन अमा ख़ाँड़'आ।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

2 तीमोथियुस 2:22

औंगे नीन जॊंख़ परिया ता मलदौ रिझ रंग नलख गुट्ठी ती बोंगा। अरा निमन जिया ती धर्मेसी बिन्‍ती ननुर गने मानी नलख नन्ना ती, अरा पत्त'अना ती, अरा चोन्‍हा ती अरा कोड़े उज्‍जना ती र'आ गे बेद्दा।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।