1 कोरिन्‍थ 13:4 - पुना गच्छरना NT (BSI)

⁴ चोन्‍हा सह'ऊ अरा सोग्‍गे ईरू र'ई। चोन्‍हा इस्‍गहा मल ननी, चोन्‍हा फुल‍ई मल ननी, अरा मल इतरार'ई।

1 कोरिन्‍थ 13:4 ပူးပေါင်းရင်းမြစ်များ

मत्तायोस 27:18

एन्‍देरगेका आस अक्‍खस का आर येसुसिन इस्गहा ती आस गे सों‍पचका रहचर।

त‍इरकर 7:9

अरा याकॊबसी तंग्‍दाबगर इस्गहा ती तंग्ड़िस यॊसॆफसिन मिसर देस नू बीसियर चिच्‍चर। लिकिन धर्मेस आसी गने रहचस,

रोमी 1:29

आर उर्मी बेसे कुचरहा नलख, मलदौ, चिबाख़ारना, ख़ाँड़ना ती निन्‍दयर केरर। अरा आर इस्‍गहा, पिटना, नग्‍गानख्रना, उत्तुरमाड़ना, चिड़गना पड़गना ती निन्‍दका र'अनर। अरा आर जलिय'अना

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

1 कोरिन्‍थ 3:3

एन्‍देरगेका नीम अक्‍कु गूटी निम्‍है कया सुबहा ही तबे नू र'अदर। अरा अक्‍कु गूटी निम्‍है नू इस्‍गहा अरा नग्‍गानख्रना मनी, ख़ने नीम कया सुबहा ही आलर दिम हिकदर। नीम ख़ॆख़ेल ता आलर लेक्‍खा दिम उज्‍जदर।

1 कोरिन्‍थ 4:18

ऎन निम्‍है गुसन अउर मल बर'ओन एन्ने सोच'अरकी निमा नू जोक्‍कोर इतरारर केरर।

1 कोरिन्‍थ 4:6

अक्कु अना भईरो, ऎन इबड़ा कत्‍थन निमा गे एंग्‍है अरा अप्‍पोल्लॊसी पत्त नू जोक्‍खा लेक्‍खा तिंकन, इदगेका नीम एम्‍है ती सिख्र'आ ओंग्‍दर का नेम्‍हा पुथी नू लिखचका ही पत्त ती बग्‍गे अमा ऎका। तहाँ नीम निम्‍है ओर्तो मुद्धासी पत्त नू फुल‍ई मनरकी नन्नासिन मल हींड़'ओर।

1 कोरिन्‍थ 5:2

अन्नु हूँ नीम गा फुल‍ई ननुर हिकदर। इदगे नीम जिया दोलख़्रना ती एन्ने नलख नंजका आलासिन निम्‍है मझी ती ओथ्रना रहचा।

1 कोरिन्‍थ 8:1

अक्‍कु मूर्ती गुट्ठी गे दाँड़े अरगका ओन्ना-मॊख़ना ही पत्त नू एंग्‍है ब'अना ईद र'ई का‍ नाम ओर्मत गे इदही पत्त ता लूर र'ई का मूर्ती गुट्ठी गे दाँड़े अरगका ओन्ना-मॊख़नन मॊख़ना पाप मलकी। लूर आलारिन फुल‍ई मन्‍त'ई, लिकिन चोन्‍हा आलारिन कम'ई।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

गलातिया 5:26

नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

इफेसुस 4:32

अरा ओर्त ओर्तारिन मया नना अरा सोग्गे ऎरा। अरा एकासे धर्मेस मसीसी चड्डे निम्‍है अक्‍का-बलकन छमा नंजस, अन्नेम नीम हूँ ओर्त ओर्तारिन छमा नना।

फिलिप्‍पी 1:15

जोक्कोर इस्गहा अरा नग्‍गानख्रना ती मसीसी दौ कत्‍थन तेंगा कुद्दनर, ईद मानिम दिम हिके। लिकिन जोक्क अउर आलर दौ जिया ती हूँ मसीसी दौ कत्‍थन तेंगा कुद्दनर।

कोलोस्से 1:11

अरा धर्मेस तंग्है कोड़हे सवंग ही लेक्खा उर्मी सवंग गने निमन बड़ियर कम'ओस, होले नीम उर्मी रकम ही सहना अरा खतिर नन्नन ख़क्खोर,

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

1 तीमोथियुस 6:4

आस इतरारस केरस अरा एन्‍दरन हों बलदस। आस गे लौचनखरना अरा कत्‍थन आनानखरना ही रोगे र'ई। एकत्रु कैर कुचर, लौचनखरना, निंदा बदी कत्‍था, मलदौ दोखना, सटना तुन्ना,

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

याकॊब 4:5

“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।

1 पतरस 2:1

औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 4:8

उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

1 यॊहन 4:11

अना दुलारो, धर्मेस ई लेक्खम नम्है मइय्याँ एन्ने कोड़हे चोन्हा नंजस होले, नाम हूँ ओर्त ओर्त गने चोन्हा नन्ना र'ई।