1 कोरिन्‍थ 13:3 - पुना गच्छरना NT (BSI)

³ अरा ऎन एंग्‍है उर्मी खुर्जिन कीड़र गे चि'अदन, अरा एंग्‍है मॆदन बस्‍सा गे चि'अदन, लिकिन एंग्‍है नू चोन्‍हा मलकी होले, इत्रु एंगा एन्‍द्रा हूँ नफा मल्‍ला।

1 कोरिन्‍थ 13:3 ပူးပေါင်းရင်းမြစ်များ

मत्तायोस 23:5

आर आलारिन ऎद'आ गे तम्‍है उर्मी नलखन नन्नर, आर तम्‍है ताबीजन चकड़ नन्‍नर अरा तम्‍है फुदनन जुर्त'अनर।

लू‍कस 18:22

इदन मेंजस ती येसुस आसिन बाचस, “अन्नु हूँ नीन अक्‍कुन गूटी ओन्‍टा कत्‍थन मल नंजकादय, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

लू‍कस 18:28

ख़ने पतरस बाचस, “ऎरा, ऎम निंग्‍है चेला मन्ना चड्डे एंग्‍है उर्मिन अम्‍बकम।”

लू‍कस 19:8

जक्‍कईस उर्बासी मुन्‍द इज्‍जस ती बाचस, “अना उर्बायो! ऎन एंग्‍है ओन भाग खुर्जिन किड़र गे चि'ओन, अरा नेखैन नेंव‍ई ती बिड़दो होच्‍चकादन होले, आर गे चार गुना किर्रत'ओन चि'ओन।”

यॊहनस 12:43

आर गा धर्मेस ती बरना ओहमा ती आलर ती बरना ओहमन कोड़हे पत्त‍र'आ लगियर।

यॊहनस 13:37

पतरस आसिन मेंजस, “उर्बायो, एन्‍देरगे अक्‍कुन ऎन निंग्‍है गने चॊंख़्र'आ पोलदन? ऎन गा निंगा गे एंग्‍है जियन हूँ चि'ओन।”

यॊहनस 15:13

नीकईम तंग्‍है संगेर गे खे'अना ती कोहाँ चोन्‍हा नॆख'आ हूँ मल्‍ला।

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

गलातिया 5:26

नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

1 तीमोथियुस 4:8

कया ही हेबाब'अना ती जुक्‍कि धार'ई, लिकिन महबा उर्मी कत्‍था नू धार'ई। ईद ख़ॆख़ेल ता अरा जनमजुग ता उज्‍जनन गच्‍छर'ई।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।