1 कोरिन्‍थ 13:12 - पुना गच्छरना NT (BSI)

¹² अक्‍कु गा नाम मड़ख़का ऐना नू धुमलहा ऎरना बेसे धर्मेसिन बड़ियर मल ऎरदत, लिकिन ख़ॊख़ा नाम उर्मी कत्‍थन बड़ियर फरीफरी ऎरोत। अक्‍कुन ऎन जुक्‍किम दिम अख़दन, लिकिन ख़ॊख़ा धर्मेस एंगन एकासे बनेम अख़दस अन्नेम ऎन उर्मिन बनेम अख़'ओन।

1 कोरिन्‍थ 13:12 ပူးပေါင်းရင်းမြစ်များ

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 5:8

नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

रोमी 8:18

ऎन बुझ्रदन का नाम एका महबा हुल्‍लो नू ख़क्‍ख'ओत, अदही जोक्‍खा नू ई परिया ता नमा दुक्‍खे र'अम मलकी बेसे र'ई।

1 कोरिन्‍थ 13:11

ऎन ख़द्द रहचकन ख़ने, ओन्‍टा ख़द्द लेक्‍खा कछनख्रकन, अरा ओन्‍टा ख़द्द लेक्‍खा सोचकन, अरा ओन्‍टा ख़द्द लेक्‍खा बुझ्रकन। लिकिन ऎन परदकन ती आल मंजकन ख़ने, ऎन ख़द्दबुधिया कत्‍थन अम्‍बकन चिच्‍कन।

1 कोरिन्‍थ 8:3

लिकिन ओर्तोस धर्मेसिन चोन्‍हा नन्‍दस होले, आस धर्मेस ती अख़तारदस।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 5:7

एन्‍देरगेका नाम ईरका कत्‍था ती मला पत्त'अना ती ऎकदत।

फिलिप्‍पी 3:12

इबड़ा उर्मिन ऎन ख़क्‍खा ख़च्चकादन, महले पखड़ मंज ख़च्चकादन एन्ने मल सोचरकी, मसी येसुस ती ऎन एन्देरगे चजरकादन अदिन पूरा नना गेम ऎन कोड़हे चिहुट नन्तेम र'अदन।

याकॊब 1:23

एका ओर्तस कत्‍थन मेन्दस अरा अदही लेक्‍खा मल नन्दस, आस ऐना नू तंग्‍है मुहिन ईरू आलस लेक्‍खा र'अदस।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

दहदर मंजका कत्‍था 22:4

अरा आर आसिन मुंही मुंहिन ऎरोर, अरा आसी नामे आर ही कपड़े नू लिख्रकी र'ओ।