1 कोरिन्‍थ 12:8 - पुना गच्छरना NT (BSI)

⁸ एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

1 कोरिन्‍थ 12:8 ပူးပေါင်းရင်းမြစ်များ

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

त‍इरकर 6:3

औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

रोमी 15:14

अना भ‍ईरो! ऎन एंग्‍है तिम निम्‍है पत्त नू दौ अख़दन का नीम दौ ती निन्‍ददर अरा उर्मी रकम ही लूर ती बड़ियर मनरकी अपन ती नन्नारिन चेता ब'आ ओंग्दर।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 1:5

नीम मसीसी र'अना ती नीम निम्‍है उर्मी ब'अना नू अरा निम्‍है उर्मी लूर नू उर्मी मदहे नू उरुब मन्तारका र'अनर,

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।

1 कोरिन्‍थ 13:8

चोन्‍हा इकला हूँ मल मुंजुर'ओ। लिकिन धर्मेसी कत्‍थन मुन्‍द तेंगना मुंज्र'ओ कालो, अरा कैनो मदहे बलना भखा गुट्ठिन कछनख्रना मॊखोर'ओ क'ओ, अरा लूर मुंज्र'ओ।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

1 कोरिन्‍थ 14:6

अना भईरो! ऎन निम्‍है गुसन बरदन ती कैनो मदहे बकना भखा गुट्ठिन कछनख्रदन होले, आद ती निमा गे इन्द्रिइम फैदा मनो का? लिकिन ऎन धर्मेस ती दहदर मन्‍ना कत्‍थन मलता लूरन मलता धर्मेसी कत्‍थन मुन्‍द तेंगनन मलता सिखाब'अनन निमा गे ओन्‍द्रदन होले, आद ती फैदा मनो।

1 कोरिन्‍थ 2:11

ओर्त आलासी सोच आबोन आ आलासी बॊलतन अम्‍बरकी नॆ हूँ अख़'आ पोलनर। ई लेक्‍खम धर्मेसी बॊलतासिन अम्‍बरकी नन्‍नर नॆ हूँ धर्मेसी सोच आबोन अख़'आ पोलनर।

1 कोरिन्‍थ 2:16

एन्‍देरगेका नेम्‍हा पुथी नू बाचका लेक्‍खा, “उर्बस गे सिखाब'अना लेक्‍खा आसी जियन नॆ अक्‍की र'ई?” लिकिन नाम गा मसीस नन्ना लेक्‍खा सोच'ऊ आलत हिकदत।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 11:6

ऎन भासन चि'अना नू सवंगिय मलदन, अन्नु हूँ लूर नू अन्ने मला। ऎम गा इदन उर्मी तरती उर्मी कत्‍था नू दहदर नंजकादम।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

2 कोरिन्‍थ 8:7

अक्कु गा नीम उर्मी कत्‍था नू पर्दका ऊसुका र'अदर, पत्त'अना नू, कत्था नू, लूर नू, उर्मी रकम ही चिहुंक नू, एम्है मइय्याँ ता निम्है चोन्हा नू पर्दका ऊसुका र'अदर। अन्नेम नीम ई बरारन चि'अना नू हूँ पर्दना ऊसकना र'ई।