1 कोरिन्‍थ 12:2 - पुना गच्छरना NT (BSI)

² नीम अख़दर का नीम धर्मेसिन बलना नू रहचकर ख़ने, नीम कोन्‍दा मूर्ती गुट्ठिन ऒड़ लग्‍गा गे बिड़दो डहरे गुट्ठी नू एकतार'आ लिक्‍कर।

1 कोरिन्‍थ 12:2 ပူးပေါင်းရင်းမြစ်များ

मत्तायोस 15:14

फरिसीर ती तरकूटी र'आ, आर अन्धहा डहरे ईद'उर। अन्‍धहर अन्‍धहर गे डहरे ऎद'ओर होले, इरबर दिम गड्‍डी नू खत्र'ओर।”

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

गलातिया 4:8

नीम गा धर्मेसिन बल्‍ला लिक्‍कर ख़ने, एन्ने देंवता गुट्ठी ही तबे नू रहचकर एकाबड़ा मानी नू धर्मे मल्‍ली।

1 थेस्‍सलोनिकॆयर 1:9

एन्‍देरगेका आर तामिम तेंगनर ऎम निम्‍है गुसन बरचकम ख़ने एकासे नीम एमन परघाचकर, अरा उज्‍जना अरा मानिम धर्मेसी तेतर-सुसर नना गे नीम एकासे मूर्ती गुट्ठी ती धर्मेस तरा किर्रकर।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 1:18

एन्‍देरगेका नीम अख़दर का निम्‍है पूरखर ती इत्तनुम बर'आ लगी निम्है अयंदहा उज्‍जना ही डहरे ती निम्‍है नाड़रना सोना मलता चाँदी लेक्‍खा नठारना आलॊ ही दाम ती मल मंजकी र'ई।

1 पतरस 4:3

नीम मुन्द धर्मेसिन बल्लुर पत्तारना नलख गुट्ठिन नन्ना ती रिरयारर ती बग्गे बेड़न बहाबाचकर। नीम पेहरन ही सोतरा नलख नू, अरा मलदौ सुख-सौंरत गुट्ठी नू, अरा उंखना नू, अरा रिझ-रंग नू, अरा अरखी ओन्ना मदी गुट्ठी नू, अरा बिगर नॆग ही मूर्ती गुट्ठी गे ऒड़ लग्गना नू उज्जा लिक्कर।