1 कोरिन्‍थ 12:13 - पुना गच्छरना NT (BSI)

¹³ एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 12:13 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

यॊहनस 1:16

अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

यॊहनस 1:33

ऎन हूँ आसिन बल्‍ला लिक्‍कन। लिकिन एंग‍न नॆ अम्मु ती नॊड़रत'आ गे तइय्यस, आसिम एंगन बाचस ‘नीन नॆख'आ मइय्याँ नेम्‍हा बॊलतन एत्तना अरा ओक्‍कनन ऎरोय, आसिम नेम्हा बॊलतस ती नॊड़रत'ओस।’

यॊहनस 3:5

येसुस आनाकिर्ताचस, “ऎन निंगन मानिमन ब'अदन, नीक‍ईम अम्मु अरा बॊलतस ती मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

रोमी 3:29

ईद मानिम का धर्मेस यहूदीर ही लेका धर्मेस हिकदस का? आस नन-यहूदीर ही धर्मेस मल्‍दस का? आस मानिम नन-यहूदीर ही हूँ धर्मेस हिकदस।

रोमी 4:11

अब्राहमस खतना मंजका ही मुन्‍द दिम तंग्‍है पत्त'अना ती ख़क्ख्रका उजगो आबोन ऎद'आ गे ख़ॊख़ा आस खतना आबोन ओन्‍टा चिन्‍हा लेक्‍खा ख़क्‍खियस। औंगे बिगर खतना ती हूँ ओर्मा पत्त'उर गे अब्राहमस बंग मनदस। ईर तम्‍है पत्त'अना ती उजगो आल मन्नर।

1 कोरिन्‍थ 10:2

अरा आर ओर्मर बदाली ही ऎख़ नू काना अरा समुदरन कट्टरकी काना मूसासी चॊख़र'उर मना गे नॊड़रत'अना लेक्खा रहचा।

गलातिया 3:23

लिकिन पत्त'अना ही बरना ही मुन्‍द अदही दहदर मन्‍ना बेड़ा गूटी नाम नॆग ही ऎरना ख़ॊजना नू खुटरका उइरका रहचकत।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

इफेसुस 4:5

अरा ओन्टे गुना उर्बस र'अस। अरा ओन्टे गुना पत्त'अना, अरा ओन्टे गुना नॊड़्रना र'ई।

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

इफेसुस 6:8

एन्‍देरगेका नीम अख़दर का नेकईम बिट्ठी ननू जॊंख़ महले छछिन्द र'अस, तंग्है तंग्है नन्ना दौ नलख ही लेक्खा उर्बस ती इनामन ख़क्खोस।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।