1 कोरिन्‍थ 12:11 - पुना गच्छरना NT (BSI)

¹¹ इबड़ा जम्मा आ ओन्‍टे बॊलतस दिम नन्‍त'अदस, अरा आस तंग्‍है मने लेक्‍खा ओर्त ओर्तोस गे ख़ट्टदस चि'अदस।

1 कोरिन्‍थ 12:11 ပူးပေါင်းရင်းမြစ်များ

मत्तायोस 11:26

हाँ, अना बंग, निंगा ईदिम बॆस लग्‍गिया।

मत्तायोस 20:15

एन्‍देर ईद जॊगे मल्‍ला का ऎन एंग्‍है जिनिस ती एन्‍देर नना बेद्दोन अदिन ननोन? नीन एंग्‍है दौ र'अना चड्डे एंगन अड्डे ऎरदय का?’

यॊहनस 3:27

यॊहनस आनाकिर्ताचस, “नॆ हूँ एन्‍द्रन हूँ मल ख़क्‍खनर, एका गूटी धर्मेस मेर्ख़ा ती अदिन मल चि'अदस।

यॊहनस 3:8

ताका एका तरा बिद्दी अत्रम तागर'ई। अरा नीन अदही सड़न मेन्‍दय, लिकिन एका तरती बर'ई अरा एका तरा क'ई अदिन बलदय। औंगे नेम्‍हा बॊलतस ती कुन्‍द्रका ओर्मर ही कुन्‍द्रना एन्नेम र'ई।”

यॊहनस 5:21

एकन्ने एम्‍बस केचका आलारिन चॊद्दस ती आर गे उज्‍जना चि'अदस, अन्नेम ऎन हूँ नॆकन ऎन बेद्ददन आर गे उज्‍जना चि'अदन।

रोमी 12:6

नमा ख़क्ख्रका मया ही लेक्‍खा नमा गे नन्ना नन्ना ख़ंजपा ख़क्‍ख्रकी र'ई। नॆका धर्मेसी कत्‍था तेंगना ही ख़ंजपा ख़क्‍ख्रकी र'ई होले, आस आस गे ख़क्ख्रका प‍त्त'अना ही जोखना लेक्‍खा अदिन नन्‍दस नेकअन।

रोमी 9:18

औंगे धर्मेस नॆकन सोग्‍गे ऎरा गे मने नन्‍दस आसिन सोग्‍गे ऎर‍दस, अरा नॆकन बेड़हा नना ही मने नन्‍दस आसिन बेड़हा नन्दस।

1 कोरिन्‍थ 12:18

लिकिन धर्मेस ओन्‍टा ओन्‍टा अंग गुट्ठिन तंग्‍है मने लेक्‍खा मॆद नू उइय्कादस।

1 कोरिन्‍थ 12:4

नेम्हा बॊलतासी इनाम गुट्ठी गा कैनो मदहे र'ई, लिकिन नेम्हा बॊलतस ओन्‍टा दिम र'अस।

1 कोरिन्‍थ 12:6

अरा धर्मेसी नलख गुट्ठी गा कैनो मदहे र'ई, लिकिन ओन्‍टेम धर्मेस उर्मी आलर नू उर्मी नलखन नन्‍दस।

1 कोरिन्‍थ 7:17

औंगे ओर्त ओर्त गे उर्बस तंग्‍है उज्‍जना नू ओकताचका लेक्‍खा, अरा धर्मेस तंगन मॆख़्रका मॆख़ना लेक्‍खा दिम तंग्‍है उज्‍जनन चलाब'अना र'ई। ऎन उर्मी कलीसिया गे एन्नेम नॆग चि'अदन।

1 कोरिन्‍थ 7:7

ओर्मा आलर हूँ गा एंग्‍है लेक्‍खा डिंडा र'आ गे ऎन बेद्ददन। लिकिन धर्मेस तरती ओर्मर गे मुध इनाम ख़क्‍ख्रकी र'ई। ईद ओर्तोस ओन बेसे नन्‍नस गे नन्‍ना बेसे र'ई।

2 कोरिन्‍थ 10:13

ऎम गा एम्‍है सिवान आबोन चाड़ोम ती फुलई मल मनोम। धर्मेस एमा नलख नना गे सिवान ठंचकादस, अइय्यम दिम ऎम फुलई मनोम। अइय्या दिम निम्है मझी ता एम्है नलख हूँ मेस्रकी र'ई।

इफेसुस 1:11

तंग्है उर्मी चिताबुतन तंग्है मने ही लेक्खा पूरा ननू धर्मेसी चिताबुता ही लेक्खम नाम मुन्द दिम ठंचका ती मसीस नू चजका र'अदत।

इफेसुस 4:7

लिकिन मसीस एका बग्गे मया चि'आ बिद्दियस आ बग्‍गेम नाम ओर्त ओर्त गे बॊलता ही इनाम आबोन ख़क्‍खका र'अदत।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।