1 कोरिन्‍थ 11:34 - पुना गच्छरना NT (BSI)

³⁴ नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।

1 कोरिन्‍थ 11:34 ပူးပေါင်းရင်းမြစ်များ

1 कोरिन्‍थ 11:33

औंगे अना भईरो, नीम ओना मॊख़ा गे ख़ॊंड़रदर होले, ओर्त इरिबारिन ख़ोखोच नख्र'आ।

1 कोरिन्‍थ 16:1

अक्‍कु येरुसलॆम ता नेम्‍हा आलर गे ख़ॊजना बरार ही पत्त नू एंग्‍है ब'अना ईद र'ई का, गलातिया जिला ता कलीसिया गुट्ठी गे नना गे ऎन एन्‍देर पॆसकादन, अदन नीम हूँ नना।

1 कोरिन्‍थ 16:2

उर्मी हप्‍ता ही पहिल उल्‍ला नीम ओर्त ओर्त तंग्‍है अर्जाचका ती जोक्को भिने उइय्‍के, अरा अदन सैत'आ। औंगे ऎन बरना बेड़ा नू दान ख़ॊजना ही चाड़ मल मनो।

1 कोरिन्‍थ 16:5

ऎन मकेदोनिया जिला मन्नुम निम्‍है गुसन बर'ओन, एन्‍देरगेका एंगा गे मकेदोनिया मन्नुम ती कानम र'ई।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 4:19

लिकिन उर्बासी मने र'ओ होले, ऎन चाँड़हेम निम्‍है गुसन बर'ओन। अरा ऎन आ इतरार'उर ही कत्‍था गुट्ठिन लेका मला, आर ही नलख गुट्ठिन हूँ बिढ़'ओन।

1 कोरिन्‍थ 7:17

औंगे ओर्त ओर्त गे उर्बस तंग्‍है उज्‍जना नू ओकताचका लेक्‍खा, अरा धर्मेस तंगन मॆख़्रका मॆख़ना लेक्‍खा दिम तंग्‍है उज्‍जनन चलाब'अना र'ई। ऎन उर्मी कलीसिया गे एन्नेम नॆग चि'अदन।

तीतुस 1:5

ई चड्‍डे ऎन निंगन क्रॆतॆ व्दीप नू अम्‍बकाचकन का बछ्रका नलख गुट्ठिन नीन सरि'ओय। अरा एंग्‍है आनका लेक्‍खा नगरे नगरे नू सेयान आलारिन उइय्योय।