1 कोरिन्‍थ 11:30 - पुना गच्छरना NT (BSI)

³⁰ ई चड्डेम निम्‍है ती कोड़हे आलर पयहा अरा रोगे र'अनर, अरा जोक्‍कोर केच्‍चर हूँ केरर।

1 कोरिन्‍थ 11:30 ပူးပေါင်းရင်းမြစ်များ

त‍इरकर 13:36

दाऊदस गा तंग्‍है उज्‍जना ही बेड़ा नू धर्मेसी मने लेक्‍खा नंजस ती केच्‍चस। अरा आसिन तंग्‍है पूरखर हेद्दे मंडियर। अरा आसी मॆद मसड़ा नू कित्तिया।

त‍इरकर 7:60

अरा आस मूकलिदरस ती जॊरसरिया बाचस, “उर्बायो, ई पापन ईर ही म‍इय्याँ अमके नना।” अरा एन्ने बाचस ती आस जियन बिछरस।

1 कोरिन्‍थ 11:29

एन्‍देरगेका एका ओर्तस उर्बासी मॆद एन्ने बिगर चिन्हचका इदन ओन्‍दस अरा मॊख़दस होले, आस तंग्‍है दिम दंडे गे ओन्‍दस अरा मॊख़दस।

1 कोरिन्‍थ 11:31

लिकिन नाम नम्‍है जिया ही अन्‍थन ठौका ठौका बिढ़चकत होले, नाम धर्मेस ती एन्ने नेंव‍ई मल नन्‍तार'ओत।

1 कोरिन्‍थ 11:32

अन्नु हूँ नाम नेंव‍ई मन्‍तारना बारी सौंसार गने दंडे अम्‍बोत मना गे उर्बस नमन कॊड़दस।

1 कोरिन्‍थ 15:51

ऎरा! ऎन निमन ओन्‍टा नूख़्रका भेद ही कत्‍थन तेंगदन। नाम ओर्मत मल खे'ओत, लिकिन छेद्द पेंड़हे ख़रख़ना बारी, ओन घड़ी नू, ख़न्न मिटक'अना गनेम लेक्खा चाड़हेम नाम ओर्मत बदलार'ओत क'ओत। एन्‍देरगेका पेंड़हे ख़रख़ो ख़ने, केच्‍चकर जनमजुग उज्जा गे उज्‍जा चो'ओर, अरा नाम हूँ बदलार'ओत क'ओत।

1 थेस्‍सलोनिकॆयर 4:14

ऎम पत्त'अदम का येसुस केच्‍चस ती उज्‍जा चॊचस। औंगे ऎम पत्त'अदम का नॆ मसीसिन इंझ्रनर ती खे'अनर आरिन येसुस अउरिम बरना बेड़ा नू धर्मेस आसी गने उज्त'ओस।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।