1 कोरिन्‍थ 11:29 - पुना गच्छरना NT (BSI)

²⁹ एन्‍देरगेका एका ओर्तस उर्बासी मॆद एन्ने बिगर चिन्हचका इदन ओन्‍दस अरा मॊख़दस होले, आस तंग्‍है दिम दंडे गे ओन्‍दस अरा मॊख़दस।

1 कोरिन्‍थ 11:29 ပူးပေါင်းရင်းမြစ်များ

लू‍कस 7:34

अरा मनवा ख़द्दन ऎन बने उन्नुम मॊख़नुम बरचकादन। ख़ने नीम ब'अदर का ऎन पेट पोसा अरा उंखुस अरा मलगुजारी ऊज'उर अरा पपहर ही संगेन हवे।

रोमी 13:2

औंगे एका ओर्तर आकुस ही बिड़दो नू हुलहुली नन्नर होले आर धर्मेसी आनका ही बिड़दो नू हुलहुली नन्नर, आर दंडे ख़क्‍ख'ओर।

1 कोरिन्‍थ 11:24

अरा धन्‍यवाद नंजस ती अदिन किच्‍चियस अरा बाचस, “ईद एंग्‍है मॆद हवे, ईद निमा गे हवे, एंगन सुरता नना गे इदन ननके।”

1 कोरिन्‍थ 11:27

औंगे नॆकइम उर्बासिन मईन मल नन्ना ही तरीका ती उर्बासी ई असमन मॊख़दस महले उर्बासी ई डुभा ती ओन्दस होले, आस उर्बासी मॆद अरा ख़ॆंस ही बिड़दो नू पाप नन्ना ही बदी नू र'ओस।

1 कोरिन्‍थ 11:28

औंगे ओर्तस तंग्‍है जिया ही अन्‍थन बिढ़चका ही ख़ॊख़ा ई असमन मॊख़दस अरा ई डुभा ती ओन्‍दस नेक'आ।

1 कोरिन्‍थ 11:30

ई चड्डेम निम्‍है ती कोड़हे आलर पयहा अरा रोगे र'अनर, अरा जोक्‍कोर केच्‍चर हूँ केरर।

इब्रानी 5:14

लिकिन बुधियार मंजकर गे मंडी र'ई। आर हेभरना हेभरना ती दौ अरा मलदौ आबोन चिन्‍हना नू बड़ियर मंजका र'अनर।

याकॊब 3:1

अना एंग्‍है भईरो, नीम अख़दर का ऎम सिख़ाब'ऊ आलम बग्‍गे सकत ती नेंवई नन्‍तार'ओम, औंगे निम्‍है ती बग्‍गे आलर कलीसिया नू सिखाब'ऊ मना गे अमके बेद्दा।

याकॊब 5:12

अना एंग्‍है भईरो, उर्मी ती कोड़हे गा, नीम किरया अमके मॊख़ा। ख़ॆख़ेल ही महले मेर्ख़ा ही महले एकअम नन्ना आलॊ ही मइय्याँ अमके किरया मॊख़ा। लिकिन निम्‍है कत्‍था गा हाँ होले हाँ अरा मला होले मला र'अन नेकअन। होले धर्मेस निमन बदी मल टिड़'ओस।