1 कोरिन्‍थ 11:27 - पुना गच्छरना NT (BSI)

²⁷ औंगे नॆकइम उर्बासिन मईन मल नन्ना ही तरीका ती उर्बासी ई असमन मॊख़दस महले उर्बासी ई डुभा ती ओन्दस होले, आस उर्बासी मॆद अरा ख़ॆंस ही बिड़दो नू पाप नन्ना ही बदी नू र'ओस।

1 कोरिन्‍थ 11:27 ပူးပေါင်းရင်းမြစ်များ

मत्तायोस 22:11

लिकिन एकाबारी बॆलस मदी अड्डा नू ऎरा गे कोर्चस ख़ने, असन आस ओर्त बेंजा किचरी बिगर अत्तका आलासिन ईरयस।

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

1 कोरिन्‍थ 10:21

नीम उर्बासी डुभा अरा नाद ही डुभा दुनू ती ओना पोलदर। अरा नीम उर्बासी खुड़ती अरा नाद गुट्ठी ही खुड़ती दुनू नू मेस्र'आ पोलदर।

1 कोरिन्‍थ 11:29

एन्‍देरगेका एका ओर्तस उर्बासी मॆद एन्ने बिगर चिन्हचका इदन ओन्‍दस अरा मॊख़दस होले, आस तंग्‍है दिम दंडे गे ओन्‍दस अरा मॊख़दस।

इब्रानी 10:29

अन्ने होले सोच'आ का, एकास धर्मेसी ख़द्दासिन म‍ईन मल नंजस, अरा तंगन नेम्‍हा नन्‍ताचका पुना गच्‍छरना ही ख़ॆंसन नेम्‍हा मल मन्‍चस, अरा मया चि'ऊ नेम्‍हा बॊलतन लज्‍जे मॊख़ताचस, आस एका कोड़हे दंडे ही जॊगे मनोस दने।