1 कोरिन्‍थ 11:23 - पुना गच्छरना NT (BSI)

²³ एन्‍देरगेका ऎन ई कत्‍थन उर्बस ती ख़क्‍खन, अरा ऎन इदन निमा गे हूँ अंड़सताचकन। उर्बा येसुस एका माख़ा पिटर'आ गे धरतारस, आस असमन होच्‍चस,

1 कोरिन्‍थ 11:23 ပူးပေါင်းရင်းမြစ်များ

मत्तायोस 26:17

बिगर बिदगी असमा ही परब ही मुन्‍द उल्‍ला येसुसी चेलर बरचर ती आसिन में‍जर, “नीन एन्‍देर बेद्ददय ऎम एसन कट्टना ही ओन्ना-मॊख़नन निंगा सराजमा ननोम?”

मत्तायोस 26:2

“नीम अख़दर ऎंड़ उल्‍ला ख़ॊख़ा कट्टना ही परब र'ई। आ उल्‍ला नू मनवा ख़द्दन ऎन क्रुस नू अरग'आ गे धरतार'ओन।”

मत्तायोस 26:34

ख़ने येसुस आसिन बाचस, “ऎन निंगन ओन्‍टा मुदे कत्‍था ब'अदन, इन्नम ई माख़म ख़ॆर चींख़ना ही मुन्‍द नीन तीन हॆल एंगन बलदन ब'ओय।”

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

लू‍कस 22:17

फिन ओन डुभा अंगुर रासी आबोन होच्‍चस ती धर्मेस गे धन्‍यवाद नंजस। फिन आस बाचस, “इदन ओंदा, अरा निम्‍है मझी नू ख़टर'आ।

त‍इरकर 20:7

हप्‍ता ही पहिल उल्‍ला ऎम अइय्या ता पत्त'ऊ आलर गने असमा किच्‍चा गे ख़ॊंड़रकम। दोसर उल्‍ला पौलुस किर्रिमबि'आ गे रहचस ख़ने आस आर ही गने कछनख्रतेम र'आलियस। अरा आस अधा माख़ा गूटी कछनख्रस।

1 कोरिन्‍थ 10:16

आ आसीस ही डुभा, एकाद गे नाम धर्मेसिन धन्‍यवाद नन्‍दत, आद ती नाम मसीसी ख़ॆंसन ख़ट्टर'आलदत। अरा आ असमा, एकदन नाम किच्‍चदत, आद ती मसीसी मॆदन नाम ख़ट्टर'आलदत।

1 कोरिन्‍थ 15:3

ऎन ख़क्‍खका कत्‍था अरा कोड़हे मुध एन्ने बाचर ती निमा गे अंड़सताचका कत्‍था ईद हवे का, नेम्‍हा पुथी नू एकासे लिख्रकी र'ई, अन्नेम मसीस नम्‍है पाप गुट्ठी गे केच्‍चस।

गलातिया 1:1

ई चिठी त‍इरकन पौलुस एंग्हा तरती र'ई। ऎन एक‍अम आलर ही खोंड़हा तरती मला महले एकअम अक्स'ऊ आलर ती तइरका मल्‍ला मंजका। लिकिन येसु मसीस ती अरा धर्मे बंगस ती तइरका मंजकादन, एकास येसुसिन केचका ती उज्‍जा चॊदस।

कोलोस्से 3:24

एन्‍देरगेका नीम उर्बा मसीस गे सुसर नन्दर, नीम अख़दर का इदही इनाम बेसे नीम उर्बस ती आसीस आबोन ख़क्खोर।

1 थेस्‍सलोनिकॆयर 4:2

ऎम निमा उर्बा येसुसी आकुस ती एन्‍देर एन्‍देर पॆसका ती रिझाबाचकादम अदिन नीम अख़दर।