1 कोरिन्‍थ 11:20 - पुना गच्छरना NT (BSI)

²⁰ नीम ओन अड्डा ख़ॊंड़रदर ख़ने, नीम मानिम नू उर्बासी खुड़तिन मल ओन्‍दर।

1 कोरिन्‍थ 11:20 ပူးပေါင်းရင်းမြစ်များ

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

त‍इरकर 2:46

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।

1 कोरिन्‍थ 11:17

ऎन ख़ॊख़ा ता तिगाब'अना गुट्ठी नू निमन मल सवंर'अदन, एन्‍देरगेका निम्‍है ख़ॊंड़रना दौ ती कोड़हे मलदौ आबोन ओन्‍द्र'ई।

1 कोरिन्‍थ 11:19

नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।

1 कोरिन्‍थ 11:21

एन्‍देरगेका ओनो बारी ओर्त ओर्तस तंग्‍है खुड़तिन नन्‍नारिन बिगर ख़ोख'अम ओन्‍दस। औंगे ओर्तस कीड़म र'अदस, अरा नन्नस उंखदस कादस।

इब्रानी 10:25

अरा एकासे जोक्‍क आलर नन्नर अन्ने नमा ख़ॊंड़रनन मल अम्‍बना र'ई। नाम अख़दत का धर्मेस आलारिन राजी नन्ना ही उल्‍ला हेद्दे अंड़सा लगी। औंगे तंग्‍है ती नन्नारिन रिझ्रत'अनुम र'ओत।

2 पतरस 2:13

आर नंजका उजगो मलका नलख गुट्ठी ही ऊजी नू धर्मेस आर गे दंडे चि'ओस। आर उल्ला बेड़ा नू हूँ मलदौ मदी गुट्ठी ती रिरयार'आ गे कोड़हे बेद्दनर। आर टिकला अरा लज्जे मलका लेक्खा हिकनर का आर निम्है गने मदी गुट्ठी नू ओन्ना उर्मी बेड़ा नू निमन लज्जे मॊख़त'ओर।

यहूदा 1:12

इबड़ा आलर नीम पत्त'ऊ आलर ख़ॊंड़र'अरकी ओन्ना-मॊख़ना मदी गुट्ठी नू बिगर मईन ती निम्है गने ओन्नर मॊख़नर ती निम्है संगती नू ओक्कनर। ईर समुदर नू मुलख़का चचड़ी लेक्खा नूखरका भयभयान र'अनर। ईर तम्है दौ आबोन लेका बिद्दू हिकनर। ईर बिगर पुंइना बदाली गुट्ठी लेक्खा र'अनर, एकदन ताका उढि'ई हुं'ई। ईर अतख़ा खतरका, बिगर ख़ंजना, केचका, अरा पादा ती चडरका मन्न गुट्ठी लेक्खा र'अनर।