1 कोरिन्‍थ 10:6 - पुना गच्छरना NT (BSI)

⁶ आर मलदौ म‍इय्याँ चिबाख़ारियर, अन्ने नाम हूँ अम्‍बोत नना, इदगे इबड़ा कत्‍था नमा गे चेताब'अना लेक्‍खा र'ई।

1 कोरिन्‍थ 10:6 ပူးပေါင်းရင်းမြစ်များ

रोमी 5:14

आदमसी परिया ती मूसासी परिया गूटी आलर आदमस धर्मेसी पॆसकन चाड़ियस आ लेक्‍खा आर हूँ पॆसकन चाड़ियर ती पाप मल नंजर। अन्नु हूँ आर खे'अना बारिम रहचर। ई आदमस ख़ॊख़ा बरचस आ मसीसी कट‍इसकेम चिन्‍हा र'अदस।

1 कोरिन्‍थ 10:11

नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

2 पतरस 2:6

अरा धर्मेस सोदोम अरा गोमोरा नगरे गे एन्ने दंडे चिच्चस का अबड़न ऒलताचस ती चिन्दी नंजस। धर्मेसिन मल इल्चुर गे ईदिम मनो एन्ने ऎद'आ गे आ नगरे गुट्ठी ओन्टा जोक्खा ख़ीरी मना गे एन्ने नंजस।

यहूदा 1:7

इबड़ा मेर्ख़ा पैकर लेक्खम सोदोम अरा गोमोरा नगरे गुट्ठी ता अरा अबड़ा ही ओनबेंड़र'आ नू रहचका नगरे गुट्ठी ता आलर पेहरन ही सोतरा नलख अरा उर्मी रकम ही पेहरन ही पाप गुट्ठिन नंजर। अरा आर जनमजुग ही चिच्ची ही दंडे ख़क्खियर ती नमा गे ओन्टा चेताब'अना बेसे र'अनर।