1 कोरिन्‍थ 10:4 - पुना गच्छरना NT (BSI)

⁴ अरा आर ओर्मर धर्मेस ती चिच्का ओन्‍टम अम्मानिम ओं‍डर। एकासे का आर तम्‍है गने इक्‍किया आ बॊलता ही चचड़ी ती ओं‍डर, आ चचड़ी मसीस रहचस।

1 कोरिन्‍थ 10:4 ပူးပေါင်းရင်းမြစ်များ

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 7:37

परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।

गलातिया 4:25

हागार अरबिया देस ता सीनाय परता हवे, आद अक्‍कु येरुसलॆम नगरे बेसे र'ई। एन्‍देरगेका आद तंग्‍है ख़द्दर गने नॆग ही जॊंख़ नू र'ई।

कोलोस्से 2:17

इबड़ा उर्मी नॆग गुट्ठी गा बर'ऊ र'ई आ आलॊ ही ऎख़ लेका हवे, लिकिन अबड़ा ही मानी मने गा मसीसी पत्त नू र'ई।

इब्रानी 10:1

मूसासी नॆग बरना दौ जिनिस ही ऎख़ लेक्‍खा दिम र'ई। अबड़ा नू तम्‍है ती धर्मेस चि'ऊ दौ जिनिस मलकी। ई चड्डे दिम चानुम घड़ी घड़ी नंजका दाँड़े ती नॆग महबा नना गे बर'ऊ आलारिन कहियों पखड़ नना पुल्‍ली।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।