1 कोरिन्‍थ 10:25 - पुना गच्छरना NT (BSI)

²⁵ अहड़ा बजार नू बीस्रना एकअम अहड़न निम्है लखना अदही पत्त नू बिड़दो इन्द्रिइम मल ब'अना चड्डे इन्द्रिइम बिगर मेंजकम नीम ख़ेन्‍दा ती मॊख़ा ओंग्‍दर।

1 कोरिन्‍थ 10:25 ပူးပေါင်းရင်းမြစ်များ

त‍इरकर 10:15

लिकिन अउरिम दोसर खेप आस गे आ ब'अना मेन्‍द्रा, “धर्मेस नेम्‍हा नंजकादस, अदिन नीन सोतबोड़'आ अमा ब'आ।”

रोमी 13:5

औंगे अक्‍स'ऊ आलर ही तबे नू र'अना चाड़ र'ई। दंडे ही इल्चका ती लेका मला नम्‍है लखना ती हूँ नमा एन्ने नन्ना र'ई।

रोमी 14:14

ऎन उर्बस मसीस नू र'अना चड्डे, ऎन मानिम अख़दन का उर्मी ओन्ना-मॊख़ना तमा नू सोतबोड़'आ मलकी। लिकिन एकास एकअम ओन्ना-मॊख़नन सोतबोड़'आ पत्त'अदस होले आद आस गे सोतबोड़'आ दिम र'ई।

1 कोरिन्‍थ 8:7

लिकिन उर्मी पत्त'ऊ आलर ई लूरन मल ख़क्‍खियर। जोक्‍क आलर अक्‍कु गूटी मूर्ती गुट्ठिन मानिम आलॊ एन्ने सोचनर। औंगे मूर्ती गुट्ठी गे दाँड़े अरगका ओन्ना-मॊख़नन मॊख़ना बारी, आद मूर्ती गुट्ठी गे दाँड़े अरगका ओन्ना-मॊख़ना एन्ने दिम सोचनर। अरा आर ही लखना इदही पत्त नू फरी मल र'अना चड्डे आद मड़ख़ी क'ई।

1 तीमोथियुस 4:4

धर्मेसी गढ़चका उर्मी जिनिस दौ र'ई। एका जिनिस हों दोसना जॊगे मलकी। उर्मी जिनिसन धन्‍यवाद गने इंझ्रना र'ई

तीतुस 1:15

अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।