1 कोरिन्‍थ 10:17 - पुना गच्छरना NT (BSI)

¹⁷ नाम ओर्मत आ ओन्‍टे असमन ख़ट्टरदत, ई चड्डे नाम बग्‍गेम र'अदत, अन्नु हूँ ओन्‍टे असमा ओन्‍टे मॆद हिकदत।

1 कोरिन्‍थ 10:17 ပူးပေါင်းရင်းမြစ်များ

रोमी 12:5

अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

1 कोरिन्‍थ 10:21

नीम उर्बासी डुभा अरा नाद ही डुभा दुनू ती ओना पोलदर। अरा नीम उर्बासी खुड़ती अरा नाद गुट्ठी ही खुड़ती दुनू नू मेस्र'आ पोलदर।

1 कोरिन्‍थ 12:12

एकासे का आलर ही मॆद ओन्‍टा र'ई, अन्नु हूँ अदही कैनो गोटंग अंग मनी। अरा उर्मी अंग कैनो गोटंग र'ई, अन्नु हूँ ओन्‍टा मॆद मनी काली। एन्ने लेक्‍खम मसीस हूँ र'अस।

1 कोरिन्‍थ 12:27

अक्‍कुन नीम ओर्मर मेस्र'अरकी मसीसी मॆद हिकदर, अरा निम्‍है ती ओर्त ओर्त आसी मॆद ही ओन्‍टा ओन्‍टा अंग हिकदर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

इफेसुस 4:16

आसी तबे नू सौंसे मॆद ओन संगे पखड़ जोड़र'ई। अरा उर्मी अंग तंग्है तंग्है मुध नलखन ननी, इत्रु ती नन्ना अंग गुट्ठी हूँ पर्दी क'ई। होले सौंसे मॆद कोड़ेम पर्दी अरा चोन्हा नू निन्दनुम क'ई।

इफेसुस 4:25

ई चड्डे नीम ठकनन अम्‍बा चि'आ, अरा तंग्‍है तंग्‍है अरबर-परबर गने मानी कत्‍थन कछनख्र'आ, एन्‍देरगेका नाम ओर्मत ओन्टे मॆद ही अंग गुट्ठी हिकदत।

इफेसुस 4:4

नीम मॆख़्रकर ख़ने ओन्टे असरा गे मॆख़्रकर। अन्नेम ओन्टे गुना मॆद र'ई, अरा ओन्टे गुना नेम्हा बॊलतस र'अस।

कोलोस्से 2:19

अरा आस सौंसे मॆद ही कुक्कु मसीस नू जोड़रका मल र'अदस। मसीस तिम सौंसे मॆद ओट्टा ओट्टा अरा अंग अंग जोड़र'ई ती पॊसर'ई ती ओन संगे गुंथर'ई ती धर्मेसी चि'ऊ पर्दना ती पर्दनुम क'ई।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।