1 कोरिन्‍थ 10:16 - पुना गच्छरना NT (BSI)

¹⁶ आ आसीस ही डुभा, एकाद गे नाम धर्मेसिन धन्‍यवाद नन्‍दत, आद ती नाम मसीसी ख़ॆंसन ख़ट्टर'आलदत। अरा आ असमा, एकदन नाम किच्‍चदत, आद ती मसीसी मॆदन नाम ख़ट्टर'आलदत।

1 कोरिन्‍थ 10:16 ပူးပေါင်းရင်းမြစ်များ

लू‍कस 22:17

फिन ओन डुभा अंगुर रासी आबोन होच्‍चस ती धर्मेस गे धन्‍यवाद नंजस। फिन आस बाचस, “इदन ओंदा, अरा निम्‍है मझी नू ख़टर'आ।

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

त‍इरकर 2:46

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।

त‍इरकर 20:11

अरा पौलुस म‍इय्याँ केरस ती असमा किच्‍चियस अरा मोक्‍खस। अरा आस बिज्‍जना बेड़ा गूटी कछनख्रते र'आलियस। फिन आस उरखस।

त‍इरकर 20:7

हप्‍ता ही पहिल उल्‍ला ऎम अइय्या ता पत्त'ऊ आलर गने असमा किच्‍चा गे ख़ॊंड़रकम। दोसर उल्‍ला पौलुस किर्रिमबि'आ गे रहचस ख़ने आस आर ही गने कछनख्रतेम र'आलियस। अरा आस अधा माख़ा गूटी कछनख्रस।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

1 कोरिन्‍थ 10:15

ऎन निमन लूरगर सोच'अरकी ब'अदन। ऎन एन्‍देर ब'अदन, अदिन नीमिम पारिख नना।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।