1 कोरिन्‍थ 10:13 - पुना गच्छरना NT (BSI)

¹³ आलर गे बर'ई आ बिढ़्रना ती नन्‍ना बिढ़्रना निमा गे मल बर'ई। धर्मेस पत्त'अना जॊगे र'अस। आस निमन चॊद'आ पोलना बिढ़्रना नू मल मना चि'ओस, अरा बिढ़्रना ही गने अइय्या ती उरखना ही डहरे हूँ ऎद'ओस, एकत्रु नीम अदिन सह'आ ओंगोर।

1 कोरिन्‍थ 10:13 ပူးပေါင်းရင်းမြစ်များ

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

लू‍कस 11:4

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्ने एम्‍है अक्‍का-बलकन अम्‍बा चि'आ, अरा एमन पाप नन्ना ही चिबाख़ारना नू खतर'आ अमा चि'आ।’”

लू‍कस 16:26

ईद लेका मला, निंग्‍है अरा एंग्‍है मझी नू ख़ोड़ख़ा ख़ैड़ र'ई। औंगे नॆ हूँ इसलेक ती असन कट्टा बेद्दोर आर पोल्‍लोर काला, अरा असलेक ती इसन बर'आ बेद्दोर आर पोललोर बर'आ।’

लू‍कस 22:46

ख़ने आस बाचस, “एन्‍देरगे नीम ख़न्‍द्र'आलदर?, चो'आ, धर्मेस निमन बिढ़्रना ती बछाब'आ गे बिन्‍ती नना।”

त‍इरकर 27:44

अरा बछ्रका आलर नॆ पटरा ती अरा नॆ कोहाँ डोंगा ही नन्ना आलॊ ही सहाड़ा ती उरखा कला।” ई लेक्‍खा ओर्मर कोड़ेम पिंडी टोंका नू उरखर केरर।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

2 कोरिन्‍थ 1:10

आस एमन आ कोड़हे खे'अना अपलोक ती नाड़ियस, अरा आस अउरिम नाड़ोस। अरा आस म‍इय्याँ एमा असरा र'ई का, बरना उल्‍ला नू हूँ अउरिम नाड़ोस।

1 थेस्‍सलोनिकॆयर 5:24

निमन मीख़ू धर्मेस मानिम हिकदस। आस अन्नेम ननोस।

2 थेस्‍सलोनिकॆयर 3:3

लिकिन उर्बस असरा जॊगे र'अदस। आस निमा सवंग चि'ओस ती मलदौ आलॊ ती नाड़ोस।

2 तीमोथियुस 4:18

उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 11:11

पत्त'अना ती अब्राहमस, तंग्‍है बछर बग्‍गे मंजका ती हूँ, अरा सारा बंझली रहचा होले हूँ, आस बंग मन्ना ही सवंग ख़क्‍खियस। एन्‍देरगेका आस तंगा गे गच्‍छरना चिच्का धर्मेसिन मानिम आ गच्‍छरकन ननोस एन्ने असरा नंजस।

इब्रानी 12:4

नीम निम्है पाप ही बिड़दो ही तिहा नू निम्‍है जियन चि'अना गूटी हुरभेटा मल नंजकर।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

1 पतरस 4:19

औंगे धर्मेसी मने ही लेक्खा सस्ती सार'उर अउरिम दौ नन्तेम र'अना ती पत्त'अना जॊगे अरा तमन गढ़चका धर्मेस गे तमन सोंपनर नेकअन।

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।

1 यॊहन 1:9

लिकिन नाम नम्है पाप गुट्ठिन आसिन तेंग्र'ओत होले, आस नम्है पाप गुट्ठिन छमा नना गे, अरा नमन नम्है उर्मी मलदौ ती निमन नना गे पत्त'अना जॊगे अरा पूरेम दौले र'अस।

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।