1 कोरिन्‍थ 1:9 - पुना गच्छरना NT (BSI)

⁹ धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

1 कोरिन्‍थ 1:9 ပူးပေါင်းရင်းမြစ်များ

मत्तायोस 24:35

मेर्ख़ा अरा ख़ॆख़ेल छपर'ओ कालो, लिकिन एंग्‍है कत्‍था इकला हूँ मल बदलार'ओ।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

रोमी 11:17

दौ जैतून मन्न ती जोक्‍क डाड़न एस'अरकी तरकूटी नन्‍तारकी किरकी र'ई। अरा नीम नन-यहूदीरो! जंगली जैतून ही डाड़ा हिकदर, अदही अड्डा नू कलम नंजका हिकदर। अरा दौ जैतून ही पादा ती बर'ऊ अदही उज्‍जना ही रासी ही हिसा मंजकर।

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

रोमी 8:30

आस नॆकन मुन्‍द तिम ओट्टा हॆंचस आरिन मीख़का हूँ रहचस। अरा नॆकन मीख़ियस आरिन उजगो आल हूँ कमचस। अरा नॆकन उजगो आल कमचस आरिन तंग्‍है महबा नू भागी मना गे हूँ चिच्‍चस।

रोमी 9:24

ऎम हूँ एन्ने मॆख़रका आलम र'अदम। यहूदीर ती लेका मला नन-यहूदीर गुट्ठी ती हूँ एमन आस मीख़का र'अदस।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 10:13

आलर गे बर'ई आ बिढ़्रना ती नन्‍ना बिढ़्रना निमा गे मल बर'ई। धर्मेस पत्त'अना जॊगे र'अस। आस निमन चॊद'आ पोलना बिढ़्रना नू मल मना चि'ओस, अरा बिढ़्रना ही गने अइय्या ती उरखना ही डहरे हूँ ऎद'ओस, एकत्रु नीम अदिन सह'आ ओंगोर।

1 कोरिन्‍थ 10:16

आ आसीस ही डुभा, एकाद गे नाम धर्मेसिन धन्‍यवाद नन्‍दत, आद ती नाम मसीसी ख़ॆंसन ख़ट्टर'आलदत। अरा आ असमा, एकदन नाम किच्‍चदत, आद ती मसीसी मॆदन नाम ख़ट्टर'आलदत।

2 कोरिन्‍थ 1:18

लिकिन धर्मेस पत्त'अना जॊगे र'अदस, अन्नेम एम्‍है कत्‍था निमा गे “हाँ” एन्ने बाचका ख़ॊख़ा “मला” एन्ने ब'अना लेक्‍खा मल्‍ला।

गलातिया 1:15

लिकिन धर्मेस एंगन अयंग ही ओदर तिम चज्‍जिकाचस अरा तंग्‍है मया नू मीख़काचस।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

2 थेस्‍सलोनिकॆयर 2:14

धर्मेस एम्‍है दौ कत्‍था ती नम्‍है उर्बस येसु मसीसी महबा नू मेस्र'आ गे निमन मीख़ियस।

2 थेस्‍सलोनिकॆयर 3:3

लिकिन उर्बस असरा जॊगे र'अदस। आस निमा सवंग चि'ओस ती मलदौ आलॊ ती नाड़ोस।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

2 तीमोथियुस 2:13

नाम आस गे मानिम गने मल र'अदत अन्नु हों आस नमा गे मानी गनेम र'ओस। एन्‍देरगेका आस तंग्‍है गच्छरकन अम्‍बा पोलदस।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 11:11

पत्त'अना ती अब्राहमस, तंग्‍है बछर बग्‍गे मंजका ती हूँ, अरा सारा बंझली रहचा होले हूँ, आस बंग मन्ना ही सवंग ख़क्‍खियस। एन्‍देरगेका आस तंगा गे गच्‍छरना चिच्का धर्मेसिन मानिम आ गच्‍छरकन ननोस एन्ने असरा नंजस।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 4:13

धर्मेस तंग्है बॊलतासिन नमा गे चिच्कादस। इत्रुम नाम अख़दत का नाम आस नू बन्चकादत, अरा आस नम्है नू बन्चकादस।

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।