1 कोरिन्‍थ 1:30 - पुना गच्छरना NT (BSI)

³⁰ आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 1:30 ပူးပေါင်းရင်းမြစ်များ

मत्तायोस 1:21

आद ख़द्द पाको अरा नीन आसी येसु नामे पिंजके, एन्‍देरगेका आस तंग्है आलारिन तम्‍है पाप गुट्ठी ती नाड़ोस।”

लू‍कस 11:49

औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

लू‍कस 21:15

एन्‍देरगेका ऎन निमन एन्ने ब'अना अरा लूर चि'ओन का निम्‍है जम्मा बैरिर निम्‍है बिड़दो नू खंडा अरा इज'आ पोल्‍लोर।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 17:26

अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्‍है म‍इय्याँ रहचका चोन्‍हा ईर ही म‍इय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

रोमी 12:5

अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

रोमी 16:11

एंग्‍है जातियस हॆरॊदियॊन गे मोंजरा। नरकिस्‍सोसी एड़पाता आलर नू नॆ उर्बस नू र'अनर आर गे मोंजरा।

रोमी 16:7

अन्‍द्रोनिकोस अरा यूनिया नॆ एंग्‍है जातियर हिकनर अरा एंग्‍है गने गुड़ुरका रहचर अरा त‍इरक‍र ती नामे ख़क्ख्रका र'अनर। अरा एंग्है ती मुन्‍द मसीसिन इंझ्रका रहचर, आर गे मोंजरा।

रोमी 4:25

येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।

रोमी 4:6

एन्नेम दाऊद बॆलस नेम्‍हा पुथी नू बाचस का नॆकन धर्मेस आर ही दौ नलख ती मला तंग्‍है मया ती उजगो कमदस, आर आसीस ख़क्ख'ऊ हिकनर। दाऊदस ब'अदस,

रोमी 5:19

एकासे का ओर्त आलस धर्मेसिन मल मन्नना ती कोड़हे आलर पपहा मंजर केरर। अन्नेम ओर्त आलस धर्मेसिन मन्नना ती कोड़हे आलर उजगो मन्र'ओर क'ओर।

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

रोमी 8:23

ई ख़ॆख़ेल लेका मला, लिकिन नाम हूँ पाब ऎरना ती भितरी भितरी रेक'आ लगदत। नाम गा नेम्‍हा बॊलतासिन ख़क्‍खकादत एकदा धर्मेसी गच्छरका ही पहिल ख़ंजपा हिके। औंगे नाम धर्मेसी गोद होच्चका ख़द्द मंज ख़च्‍चना ही पाब ऎरा लगदत। इदही माने का नम्‍है कया पाप अरा खिलपत ती नाड़रना।

रोमी 8:9

लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्‍है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 1:24

लिकिन यहूदीर ती अरा नन-यहूदीर ती धर्मेस नॆकन मॆख़्रकादस, आर गे मसीस दिम धर्मेसी सवंग अरा धर्मेसी लूर हिकदस।

1 कोरिन्‍थ 12:18

लिकिन धर्मेस ओन्‍टा ओन्‍टा अंग गुट्ठिन तंग्‍है मने लेक्‍खा मॆद नू उइय्कादस।

1 कोरिन्‍थ 12:27

अक्‍कुन नीम ओर्मर मेस्र'अरकी मसीसी मॆद हिकदर, अरा निम्‍है ती ओर्त ओर्त आसी मॆद ही ओन्‍टा ओन्‍टा अंग हिकदर।

1 कोरिन्‍थ 12:8

एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

1 कोरिन्‍थ 4:15

एन्‍देरगेका मसी नू निमा गे दस हजार सिखाब'ऊ र'ओर, लिकिन निमा गे कैनो गोटंग बंगर मला। ऎन मसी येसुस नू दौ कत्‍था ती निम्है बंग मंजकन।

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

2 कोरिन्‍थ 12:2

मसी नू ऎन ओर्त आलासिन अख़दन, चौदा चान ही मुन्द आस तिसर मेर्ख़ा गूटी चॊदतारस। आस मॆद नू रहचस मलता मॆद ही बहरी रहचस ऎन बलदन। अदिन धर्मेस दिम अख़दस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

इफेसुस 1:10

मेर्ख़ा अरा ख़ॆख़ेल नू र'ऊ उर्मिन मसीसी अदिया ही किय्या ख़ॊंड़रना दिम आ गम हिके। बेड़ा गुट्ठी अदही पूरा मन्ना बारी आस अदिन पूरा ननोस।

इफेसुस 1:14

नाम नॆ धर्मेसी अर्ज'अना हिकदत, नाड़रनन ख़क्खना गूटी धर्मेस तंग्है आलर तंग्है गच्छरकन ख़क्ख्रना गे नेम्हा बॊलतस दिम बयाना र'अस, का आसी महबा गे ओहमा मनन।

इफेसुस 1:7

मसीस नू आस बाहताचका ख़ॆंस ती नमा गे नाड़रना र'ई। ईद नम्है अक्‍का-बलका गुट्ठी गे धर्मेसी मया ही निंदका ती ख़क्ख्रना पाप छमा हवे।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

कोलोस्से 1:14

आसी ख़द्दस ती धर्मेस नमन सैतान ही आकुस ती अम्बत'अदस, अरा नाम नंजका उर्मी पाप अरा अक्का-बलकन छमा नन्दस।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 9:12

मसीस बोकड़ा अरा बछरु गुट्ठी ही ख़ॆंस ती मला, लिकिन तंग्‍है ख़ॆंस ती दिम ओंग्‍होन लेका कोड़हे नेम्‍हा अड्डा नू कोरचस, औंगे आस जनमजुग नाड़रनन नमा गे चि'आ उंगियस।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

1 यॊहन 5:6

येसु मसीस अम्मु नू नॊड़रस ती अरा क्रुस नू तंग्है ख़ॆंसन बहाबाचका ती धर्मेसी ख़द्दस एन्ने दहदर मन्तारस। अम्मु ती लेका मला लिकिन अम्मु अरा ख़ॆंस ती आस दहदर मन्तारस। ईद मानिम एन्ने नेम्हा बॊलतस हूँ गोवाह चि'अदस, एन्देरगेका बॊलतस सगरो मानिमन ब'अदस।

दहदर मंजका कत्‍था 14:4

ईर मुक्कर ती तमन सोतरा मल मंजकर हिकनर, अरा डिंडर हिकनर। ईर भेंडो ख़द्द मसीस एसन एसन कालदस असन असन आसी गने गुड़ियार'ऊ हिकनर। ईर धर्मेस गे अरा भेंडो ख़द्द मसीस गे आलर ती नाड़रका पहिल ख़ंजपा लेक्खा र'अनर।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।