1 कोरिन्‍थ 1:26 - पुना गच्छरना NT (BSI)

²⁶ अना भईरो, नीम मॆख़्रका बारी एकासे रहचकर अदिन सोच'आ। आलर ही ऎरना नू निम्‍है ती बग्‍गेर लुरगर मलकर अरा सवंगिय मलकर अरा कोहाँ एड़पा नू कुन्‍द्रका मलकर।

1 कोरिन्‍थ 1:26 ပူးပေါင်းရင်းမြစ်များ

लू‍कस 1:3

अना महोदय थेओफिलुस, ऎन हूँ अदन निंगा गे तरकूटी ती लिख'आ गे अंगेर नंजकन। ऒड़ तिम मंजका उर्मिन चिहुंक ती मेंजकन ख़ूजकन ती लिख'आलदन।

लू‍कस 10:21

आ बारिम येसुस नेम्‍हा बॊलतस नू खुसमारस ती बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन अख़'उर अरा लूरगर आलर लेक्‍खा तमन सोचनर आर ती नुड्डकादय, अरा लुदऊ लेक्‍खा ई सन्नी ख़द्दर गे ऎदकय। हाँ, अना बंग, निंगा ईदिम बॆस लग्‍गिया।

त‍इरकर 13:12

ई मंजकन ईरियस ती आ राजीख़ापुस पत्ताचस अरा उर्बासी सिखाब'अना ही पत्त नू अकबकरस।

त‍इरकर 13:7

आस राजीख़ापुस सेरगियुस पौलुस गने रहचस। आ राजीख़ापुस बुधमान रहचस। आस बरनबास अरा स‍उलसिन मीख़ियस ती आर ती धर्मेसी कत्‍थन मेना बेद्दा लगियस।

त‍इरकर 17:34

लिकिन जोक्‍क आलर आसी गने मेसरर अरा पत्ताचर। आर ती अरेयोपगोस सभा ता आलस दियोनुसियोस रहचस, अरा दामारी नामे ओन्‍टा मुक्‍का रहचा, अरा आर ही गने अउर हूँ आलर रहचर।

रोमी 11:29

धर्मेस गा तंग्‍है बरदान आबोन अरा तंग्‍है मॆख़नन कहियों मल किर्त'अर हो'अदस।

1 कोरिन्‍थ 1:20

एसन र'अनर लूरगर? एसन र'अनर बग्गे पढ़चका आलर? एसन र'अनर ई ख़ॆख़ेल ता कोड़हे लूर उइय्यू आनानखर'उर? एन्‍देर धर्मेस ई ख़ॆख़ेल ता लूरन खईता मल कमचका र'अदस का?

1 कोरिन्‍थ 2:13

इबड़ा कत्‍थन ऎम आलर ही लूर सिखाबाचका कत्‍था गुट्ठी ती मला, बॊलतासी सिखाबाचका कत्‍था ती तेंगदम। एन्नेम बॊलता ही मानिम कत्‍था गुट्ठिन बॊलतासी कत्‍था गुट्ठी ती बुझाब'अदम।

1 कोरिन्‍थ 2:8

लिकिन इदन ई ख़ॆख़ेल ता राजी ननुर नॆ हूँ बल्‍लर। आर अक्‍का होले महबा ती निन्‍द्रका उर्बासिन क्रुस नू मल ठोक'ओर दने।

फिलिप्‍पी 4:22

उर्मी नेम्‍हा आलर निमा गे मोंजरा ब'अनर, कोड़हे गा कैसरसी गढ़िया नू नलख ननुर निमा गे मोंजरा ब'अनर।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

2 यॊहन 1:1

ई चिठी ऎन यॊहन सेयान आलन तरती र'ई। ऎन इदन धर्मेस ती चज्ज्रका मुध आली अरा अदही ख़द्दर गे लिखदन। मानिम नू ऎन निमन चोन्हा नन्दन। ऎन लेका मला, एकार धर्मेसी मानिमन अख़नर, अबड़ा ओर्मर निमन चोन्हा नन्नर।