1 कोरिन्‍थ 1:21 - पुना गच्छरना NT (BSI)

²¹ एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 कोरिन्‍थ 1:21 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

लू‍कस 10:21

आ बारिम येसुस नेम्‍हा बॊलतस नू खुसमारस ती बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन अख़'उर अरा लूरगर आलर लेक्‍खा तमन सोचनर आर ती नुड्डकादय, अरा लुदऊ लेक्‍खा ई सन्नी ख़द्दर गे ऎदकय। हाँ, अना बंग, निंगा ईदिम बॆस लग्‍गिया।

लू‍कस 12:32

अनय सन्नी गोंहड़ा, अमय एल्‍चय। एन्‍देरगेका निम्‍बस निमा गे तंग्‍है गने मेर्ख़ा राजी नू राजी नना गे आकुस चि'आ गे मने नन्‍दस।

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 11:33

बोह! धर्मेसी खुरजी अरा लूर अरा अकिल एवंदा गड्डी र'ई। आसी नेंव‍ई आबोन बेद्दरकी अख़'आ पोल्‍लना र'ई अरा आसी नन्ना ही घत आबोन बुझुर'आ पोल्‍लना र'ई।

1 कोरिन्‍थ 1:18

क्रूस ही पत्त ता सिखाब'अनन खे'अना ही डहरे नू कालू आलर खईता बुझुरनर। लिकिन नाड़रनन ख़क्‍खू आलर नमा गे आद धर्मेसी सवंग हवे।

1 कोरिन्‍थ 1:23

लिकिन ऎम गा क्रुस नू ठोकचका मसीसी पत्त नू तेंगा कुद्दम। ईद यहूदीर गे मूड़ना ही चड्डे र'ई, अरा नन-यहूदीर गे ख‍ईता र'ई।

1 कोरिन्‍थ 1:24

लिकिन यहूदीर ती अरा नन-यहूदीर ती धर्मेस नॆकन मॆख़्रकादस, आर गे मसीस दिम धर्मेसी सवंग अरा धर्मेसी लूर हिकदस।

1 कोरिन्‍थ 1:25

एन्‍देरगेका धर्मेसी बोका मन्ना गा आलर ही लूर ती कोड़हे लूर र'ई, अरा धर्मेसी पयहा मन्‍ना गा आलर ही सवंग ती कोड़हे सवंगिय र'ई।

1 कोरिन्‍थ 1:27

लिकिन धर्मेस गा लूरगर आलारिन लज्‍जे मॊख़त'आ गे ख़ॆख़ेल ही ऎरना नू बोयारिन चज्‍जिकादस, अरा सवंगिय आलारिन लज्‍जे मॊख़त'आ गे ख़ॆख़ेल ही ऎरना नू पयहा आलारिन चज्‍जियस।

1 कोरिन्‍थ 11:32

अन्नु हूँ नाम नेंव‍ई मन्‍तारना बारी सौंसार गने दंडे अम्‍बोत मना गे उर्बस नमन कॊड़दस।

1 कोरिन्‍थ 2:14

नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

1 कोरिन्‍थ 4:10

ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।

1 कोरिन्‍थ 6:2

एन्‍देर नीम इदिन बलदर का नेम्‍हा आलर सौंसार ही नेंवई ननोर? नीमिम सौंसार ही नेंवई ननू र'अदर होले, नीम सन्नी ती सन्नी कत्‍था ही नेंवई नना गे पोलदर का?

गलातिया 1:15

लिकिन धर्मेस एंगन अयंग ही ओदर तिम चज्‍जिकाचस अरा तंग्‍है मया नू मीख़काचस।

गलातिया 4:8

नीम गा धर्मेसिन बल्‍ला लिक्‍कर ख़ने, एन्ने देंवता गुट्ठी ही तबे नू रहचकर एकाबड़ा मानी नू धर्मे मल्‍ली।

इफेसुस 1:9

आस तंग्‍है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

याकॊब 5:15

पत्त'अना गने नन्ना गोहरारना बेमरहा आलासिन कोड़े ननी चि'ई। अरा उर्बस आसिन कोड़े ननोस। अरा आस पाप गुट्ठी नंजकादस होले, अबड़ा आस गे अम्बतार'ओ कालो।

याकॊब 5:20

आस इदन अख़'आ हो'आ का, आस ओर्त पपहा आलासिन आसी मलदौ डहरे ती किर्त'अदस, अरा आस आसिन जनमजुग खे'अना ती बछाब'अदस, अरा आस आ पपहा आलासी कैनो गोटंग पाप गुट्ठिन अम्बत'अना गे चड्डे मन्दस।