1 कोरिन्‍थ 1:20 - पुना गच्छरना NT (BSI)

²⁰ एसन र'अनर लूरगर? एसन र'अनर बग्गे पढ़चका आलर? एसन र'अनर ई ख़ॆख़ेल ता कोड़हे लूर उइय्यू आनानखर'उर? एन्‍देर धर्मेस ई ख़ॆख़ेल ता लूरन खईता मल कमचका र'अदस का?

1 कोरिन्‍थ 1:20 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

रोमी 1:20

इकला ती धर्मेस ख़ॆख़ेलन गढ़चस आसी मल ऎथ्रना गुन्न गुट्ठी, आसी जनमजुग ता सवंग अरा आसी धर्मे लेक्‍खा गुन्न ऎथ्रना नू बर'आ लगी। अबड़ा धर्मेसी कमचका ती अख़तार'ई। औंगे आलर धर्मेसिन बलदम ब'आ पोलनर।

रोमी 1:22

आर तमन लूरगर ब'अनर लिकिन आर बोया हिकनर।

1 कोरिन्‍थ 1:19

नेम्हा पुथी नू एन्ने लिख्रकी र'ई का “लूरगर ही लूरन नठाब'ओन चि'ओन अरा अख़'उर ही अख़नन अनभनियाँ ननोन चि'ओन।”

1 कोरिन्‍थ 1:26

अना भईरो, नीम मॆख़्रका बारी एकासे रहचकर अदिन सोच'आ। आलर ही ऎरना नू निम्‍है ती बग्‍गेर लुरगर मलकर अरा सवंगिय मलकर अरा कोहाँ एड़पा नू कुन्‍द्रका मलकर।

1 कोरिन्‍थ 1:27

लिकिन धर्मेस गा लूरगर आलारिन लज्‍जे मॊख़त'आ गे ख़ॆख़ेल ही ऎरना नू बोयारिन चज्‍जिकादस, अरा सवंगिय आलारिन लज्‍जे मॊख़त'आ गे ख़ॆख़ेल ही ऎरना नू पयहा आलारिन चज्‍जियस।

1 कोरिन्‍थ 1:28

ख़ॆख़ेल कोहाँ ब'ई अदन एन्‍द्रा हूँ मलका लेक्‍खा नना गे धर्मेस ख़ॆख़ेल ही ऎरना नू सन्नीरिन अरा आलर ही ऎरना नू हींड़रका बुझुरकारिन अरा ख़ॆख़ेल ही ऎरना नू एन्‍द्रा हूँ मलकर एन्ने बुझुरका आलारिन चज्जिकादस।

1 कोरिन्‍थ 11:32

अन्नु हूँ नाम नेंव‍ई मन्‍तारना बारी सौंसार गने दंडे अम्‍बोत मना गे उर्बस नमन कॊड़दस।

1 कोरिन्‍थ 2:6

अन्नु हूँ पत्त'ऊ आलर नॆ पखड़ मंज ख़च्‍चिकानर आर ही नू ऎम लूर ही पत्त ता कत्‍थन तेंगदम। लिकिन ई लूर ख़ॆख़ेल ता महले नठार'ऊ ई ख़ॆख़ेल ता राजी ननुर ही लूर मल्‍ली।

1 कोरिन्‍थ 2:8

लिकिन इदन ई ख़ॆख़ेल ता राजी ननुर नॆ हूँ बल्‍लर। आर अक्‍का होले महबा ती निन्‍द्रका उर्बासिन क्रुस नू मल ठोक'ओर दने।

1 कोरिन्‍थ 3:18

नीकईम तमन अम्‍बोर ठक'आ। निम्‍है मदहेर ती नीकईम तंगन ख़ॆख़ेल ही ऎरना नू लूरगर सोचदस होले, आस बोया मन्ना र'ई। होले दिम आस धर्मेसी ऎरना नू लूरगर मना ओंग्‍दस।

1 कोरिन्‍थ 3:19

एन्‍देरगेका ई ख़ॆख़ेल ता लूर धर्मेसी ऎरना नू बोया र'ई। नेम्‍हा पुथी नू एन्ने लिख्रकी र'ई का, “आस लूरगर आलारिन आर ही चतरा लूर ती दिम बझाब'अदस।”

1 कोरिन्‍थ 6:2

एन्‍देर नीम इदिन बलदर का नेम्‍हा आलर सौंसार ही नेंवई ननोर? नीमिम सौंसार ही नेंवई ननू र'अदर होले, नीम सन्नी ती सन्नी कत्‍था ही नेंवई नना गे पोलदर का?

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।