1 कोरिन्‍थ 1:18 - पुना गच्छरना NT (BSI)

¹⁸ क्रूस ही पत्त ता सिखाब'अनन खे'अना ही डहरे नू कालू आलर खईता बुझुरनर। लिकिन नाड़रनन ख़क्‍खू आलर नमा गे आद धर्मेसी सवंग हवे।

1 कोरिन्‍थ 1:18 ပူးပေါင်းရင်းမြစ်များ

त‍इरकर 13:41

‘अना निंदा ननू आलारो! ऎरा, अकबक मना अरा खे'आ कला। ऎन गा ओन्‍टा नलखन निम्‍है उल्‍ला गुट्ठी ननोन। ओर्तोस अदही पत्त नू निमन तेंगोस। अन्नु हूँ नीम अदिन मल पत्त'ओर।’”

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 17:32

केचका ही उज्‍जा चो'अना ही पत्त ता कत्‍थन आलर मेंजर ती जोक्‍क आलर अलखा हेलरर। अरा जोक्‍क आलर बाचर, “ई कत्‍था ही पत्त नू ख़ॊख़ा ऎम अउरिम निंग्‍है ती मेनोम।”

त‍इरकर 2:47

अरा धर्मेसी ओहमा ननालियर ती उर्मी आलर ती मया ख़क्‍खियर। अरा नॆ नॆ नाड़र'आलियर आरिन उर्बस उर्मी उल्‍ला आर नू मेस'आलियस।

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 कोरिन्‍थ 15:2

ऎन निमन तिंका कत्‍था नू नीम बड़ियर र'अदर होले, आ दौ कत्‍था ती नीम नाड़रदर, मला होले निम्‍है पत्त'अना अनभनियाँ मनो।

1 कोरिन्‍थ 2:14

नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

1 कोरिन्‍थ 2:2

एन्‍देरगेका ऎन निम्‍है नू येसु मसी अरा क्रुस नू आसी खे'अनन अम्‍बरकी नन्‍ना इन्द्रिइम ही पत्त नू मल तेंगा गे तिगचका रहचकन।

1 कोरिन्‍थ 3:19

एन्‍देरगेका ई ख़ॆख़ेल ता लूर धर्मेसी ऎरना नू बोया र'ई। नेम्‍हा पुथी नू एन्ने लिख्रकी र'ई का, “आस लूरगर आलारिन आर ही चतरा लूर ती दिम बझाब'अदस।”

1 कोरिन्‍थ 4:10

ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।

2 कोरिन्‍थ 10:4

एम्है चॆत ही कमहड़ गुट्ठी सौंसार ता आलर बउर'अना कमहड़ गुट्ठी मल्‍ली, लिकिन गढ़ें गुट्ठिन धंस'ऊ धर्मेसी सवंगिय कमहड़ आबोन बउर'अदम।

2 कोरिन्‍थ 4:3

अन्‍ति एम्‍है दौ कत्‍था नू इन्द्रिइम ओदहा र'ई होले, आद नॆ नठारनर कानर आर गे अन्ने र'ई।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

2 थेस्‍सलोनिकॆयर 2:10

अरा आस नठार'उरिन उर्मी रकम ती छलक'ओस ती बोको ननोस। एन्‍देरगेका आर मानिमन चोन्‍हा मल नन्नर एकदा आरिन नाड़ा ऊंगी।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।