1 कोरिन्‍थ 1:17 - पुना गच्छरना NT (BSI)

¹⁷ मसीस एंगन नॊड़रता गे मला, दौ कत्‍थन तेंगा गे तइय्का र'अदस। अरा मसीसी क्रूस अनभनियाँ मल मना गे एंगन ख़ॆख़ेल ता बिगर लूर ती दौ कत्‍थन मेन्‍त'आ गे त‍इय्यस।

1 कोरिन्‍थ 1:17 ပူးပေါင်းရင်းမြစ်များ

यॊहनस 4:1

येसुस यॊहनस ती बग्‍गे आलारिन चेला कमदस अरा नॊड़रत'अदस, एन्ने फरिसीर मेंजर, अदन येसुस अक्‍खस। ख़ने आस यूदेया जिला आबोन अम्‍बियस ती गलिलेया जिला किर्रिम बिच्‍चियस। (येसुस तान मला, लिकिन आसी चेलर नॊड़रत'आ लगियर।)

त‍इरकर 10:48

अरा आस आर गे येसु मसीसी नामे ती नॊड़र'आ गे आनियस। तहाँ आर पतरसिन जोक्‍क उल्‍ला तम्‍है गुसन र'आ गे बाचर।

1 कोरिन्‍थ 2:1

अना भईरो, इकला ऎन धर्मेसी गम आबोन निम्‍है गुसन तेंगा बरचकन ख़ने, ऎन ब'अना नू दौ गने महले कोड़हे लूर गने मल बरचकन।

1 कोरिन्‍थ 2:13

इबड़ा कत्‍थन ऎम आलर ही लूर सिखाबाचका कत्‍था गुट्ठी ती मला, बॊलतासी सिखाबाचका कत्‍था ती तेंगदम। एन्नेम बॊलता ही मानिम कत्‍था गुट्ठिन बॊलतासी कत्‍था गुट्ठी ती बुझाब'अदम।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 11:6

ऎन भासन चि'अना नू सवंगिय मलदन, अन्नु हूँ लूर नू अन्ने मला। ऎम गा इदन उर्मी तरती उर्मी कत्‍था नू दहदर नंजकादम।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

2 पतरस 1:16

लूरगर ती कमचका ख़ीरी गुट्ठी नू ऎम मल ऎकरकी, लिकिन आसी महबन एम्है ख़न्न ती ईरुर रहचका ती दिम, ऎम नम्है उर्बस येसु मसीसी सवंग अरा आसी बरना ही पत्त नू निमा गे तिंकम।