1 कोरिन्‍थ 1:12 - पुना गच्छरना NT (BSI)

¹² एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 1:12 ပူးပေါင်းရင်းမြစ်များ

मत्तायोस 23:8

लिकिन नीम ‘गुरु’ अमके बार'आ, एन्‍देरगेका निम्‍है गा ओर्तलेका गुरु र'अस अरा नीम ओर्मर भइय्योर हिकदर।

यॊहनस 1:42

अरा आस सिमॊनसिन येसुस गुसन होच्‍चस। येसुस आसिन ईरियस ती बाचस, “नीन यॊहनसी तंग्‍दय सिमॊन हिकदय। नीन ‘कॆफास’ बार'ओय।” (कॆफासिन ‘पतरस’ एन्ने हूँ ब'अनर।)

त‍इरकर 18:24

आ बेड़ा नू अलेक्‍सन्‍द्रिया नगरे ता अप्‍पोल्लॊस नामे ओन्‍टा यहूदी इफेसुस नगरे नू बरचस। आस नेम्हा पुथिन दौ अख़'उस अरा बड़ियर कछनख्र'ऊ आल रहचस।

त‍इरकर 19:1

एका बेड़ा नू अप्‍पोल्लॊस कोरिन्‍थ नगरे नू रहचस, पौलुस भितरी चक गुट्ठी ती डहरे ऎका लगियस ती इफेसुस अंड़सियस। आस गे असन जोक्‍क पत्त'ऊ आलर ख़क्‍ख्रर।

1 कोरिन्‍थ 1:11

अना एंग्है भईरो, निम्‍है मझी नू नग्‍गानख्रना गुट्ठी र'ई एन्ने ऎन ख़लोऎ ही एड़पातर ती मेंजकन।

1 कोरिन्‍थ 15:5

अरा आस पतरस गे अरा ख़ॊख़ा बारो चेलर गे ऎथ्रस।

1 कोरिन्‍थ 15:50

अना भईरो! एंग्‍है ब'अना एन्ने र'ई का, अहड़ा अरा ख़ॆंस मेर्ख़ा राजी काना ही अदियन ख़क्‍खा पुल्‍ली। अरा एकदा नठार'ई आद मल नठारनन ख़क्‍खना ही अदियन ख़क्‍खा पोल्‍लो।

1 कोरिन्‍थ 16:12

अक्‍कुन नम्‍है भइय्योस अप्‍पोल्लॊसी पत्त नू, ऎन आसिन निम्‍है गुसन भइय्योर गने काला गे नगदे रिझाबाचकन। अक्‍कु आस काला गे मल बिद्दियस, लिकिन मोका ख़क्‍खोस ख़ने आस बर'ओस।

1 कोरिन्‍थ 4:6

अक्कु अना भईरो, ऎन इबड़ा कत्‍थन निमा गे एंग्‍है अरा अप्‍पोल्लॊसी पत्त नू जोक्‍खा लेक्‍खा तिंकन, इदगेका नीम एम्‍है ती सिख्र'आ ओंग्‍दर का नेम्‍हा पुथी नू लिखचका ही पत्त ती बग्‍गे अमा ऎका। तहाँ नीम निम्‍है ओर्तो मुद्धासी पत्त नू फुल‍ई मनरकी नन्नासिन मल हींड़'ओर।

1 कोरिन्‍थ 7:29

लिकिन भईरो! ऎन निमन एन्‍देर ब'अदन का बेड़ा गा जुक्‍की र'ई। औंगे अक्‍कु ती नॆ बेंज्रकानर, आर मल्‍ला बेंज्रका लेक्‍खा उज्‍जनर नेकअन।

1 कोरिन्‍थ 9:5

नन्‍ना तइरकर अरा उर्बासी तंग्ड़िबगर अरा पतरस नन्ना लेक्‍खा एम्‍है गने पत्त'ऊ आलिन बेंज्रका ती हो'अना काना गे एमा गे अदिया मल्‍ला का?

2 कोरिन्‍थ 10:7

नीम बहरी ही ऎथ्रनन लेका ऎरदर। नीकईम तंगन मसीसी एन्ने असरा नन्दस होले, आस इदन बुझ्रना र'ई का, एकासे आस मसीसी र'अस अन्ने ऎम हूँ मसीसी र'अदम।

2 कोरिन्‍थ 9:6

सुरता उइय्या का, नॆ जुक्‍की चाँख़दस आस जुक्‍की ख़ॊयोस, अरा नॆ बग्‍गे चाँख़दस आस बग्‍गे ख़ॊयोस।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

गलातिया 3:17

ऎन आनदन, एका गच्‍छरकन धर्मेस अब्राहमस गने पोकता नंजकाचस। अदिन नॆग चार सौ तीस बछर ख़ॊख़ा बर'अरकी तरकूटी नना पुल्‍ली का गच्‍छरना अनभनियाँ मनो।