1 कोरिन्‍थ 1:1 - पुना गच्छरना NT (BSI)

¹ धर्मेसी मने ती मसी येसुसी त‍इरका मना गे मॆख़्रका पौलुस एंग्है तरती अरा नम्है भ‍ईस सॊस्‍थेनॆसी तरती ई चिठी र'ई।

1 कोरिन्‍थ 1:1 ပူးပေါင်းရင်းမြစ်များ

लू‍कस 6:13

अरा बिज्‍जिया ख़ने आस तंग्‍है चेलारिन मीख़ियस अरा आर ही ती बारा गोटंग आलारिन चज्‍जियस अरा आर गे तइरकर नामे चिच्‍चस।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 1:2

आस तान चज्‍जियस अबड़ा त‍इरकर गे नेम्‍हा बॊलतस ती पॆसका चिच्का ती मेर्ख़ा होतारना गूटी येसुस नंजका अरा सिखाबाचका उर्मी कत्‍थन अइय्यम लिखचकन।

त‍इरकर 18:17

ख़ने ओर्मा आलर गोड़हा एड़पा ता मुद्धस सॊस्‍थेनॆसिन धरचर ती नेंव‍ई अड्डा ही मुन्‍दहारे दिम लौचर। लिकिन गल्‍लियॊन इबड़ा पत्त नू एन्‍देर हूँ चिहुट मल नंजस।

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 1:10

ऎन एंग्‍है गोहरारना नू सगरो धर्मेस गुसन ने'अदन का आसी मने ती निमन ऎरा बर'आ गे बेड़ा ख़क्ख्र'ओ।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

1 कोरिन्‍थ 15:9

ऎन गा तइरकर ओर्मर ती सन्नी हिकदन। ऎन तइरकन बारना ही जॊगे हूँ मलदन, एन्‍देरगेका ऎन धर्मेसी कलीसियन खिलपत नंजकादन।

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 11:5

अबड़ा “कोहाँ तइरकर” ती ऎन एन्‍देर कत्‍था नू हूँ ती सन्नी मलदन एन्ने सोचदन।

2 कोरिन्‍थ 12:12

ऎन निम्‍है गने रहचकन ख़ने, ऎन मानिम नू एंगन पुरुब नंजकन का ऎन ओन्टा तइरकन। एकासे का ऎन कोड़हे कयास गने दुक्खे सारना ती निम्है मझी नू बग्गे चिन्‍हा अरा अजगुत नलख अरा हैकट नलख गुट्ठी ऎदकन।

2 कोरिन्‍थ 8:5

आर एकासे ऎम असरा नंजकम अदिन ती कोड़हे नंजर का, आर मुन्द तमन उर्बस गे सोंपचर अरा ख़ॊख़ा धर्मेसी मने लेक्खा एमा गे तमन सोंपचर।

गलातिया 1:1

ई चिठी त‍इरकन पौलुस एंग्हा तरती र'ई। ऎन एक‍अम आलर ही खोंड़हा तरती मला महले एकअम अक्स'ऊ आलर ती तइरका मल्‍ला मंजका। लिकिन येसु मसीस ती अरा धर्मे बंगस ती तइरका मंजकादन, एकास येसुसिन केचका ती उज्‍जा चॊदस।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

कोलोस्से 1:1

धर्मेसी मने ती मसी येसुसी तइरकन पौलुस अरा नम्है भईस तीमोथियुस

1 तीमोथियुस 1:1

नम्‍है बछाब‍'ऊ धर्मेस अरा नम्‍है पाब ऎरना ही मूली मसी येसुसी पॆसका लेक्‍खा मसी येसुसी त‍इरकन ऎन पौलुस हिकदन।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

2 तीमोथियुस 1:1

ऎन पौलुस, धर्मेसी चीता बुता ती मसी येसुसी त‍इरकन। धर्मेस एंगन मसी येसुस नू जनमजुग उज्‍जना ही गच्‍छरका ही पत्त नू तेंगा गे त‍इय्यस।