Zekeriya 7:14 - Kurmanji Încîl

¹⁴ Min ew wekî bahozê avêtin nav tevahiya miletên nenas. Wan welat hişt, loma bû wêrane ku kesek here û lê bimîne nema. Welatê xweş bû wêrane.’”

Zekeriya 7:14 ပူးပေါင်းရင်းမြစ်များ

Zebûr 58:9

Hê ku beroşên wan, agirê striyan nebihîstine, Çi terr û çi jî hişk, wê bi bagerê bipengizin.

Îşaya 17:13

Netewe wekî ava rabûyî bixumin jî, Gava Xwedê erzê wan bişikêne wê dûr birevin. Wekî hûrika kaya çiyan Li ber bayê bikevin, Wekî toza gêrbûyî Li ber babelîskê bipengizin.

Îşaya 21:1

Peyama li ser beriya keviya deryayê: Çawa bahoz radibe û di Negevê re derbas dibe, Ewê jî, ji beriyê, ji diyarê tirsdar wisa were.

Îşaya 60:15

“Tevî ku tu hatî berdan û nefretkirin, Tevî ku kesê di te re derbas dibe nema jî, Ezê te bikim cihê rewnaqiya herheyî Û şahiya hemû nifşan.

Îşaya 66:15

Çimkî va ye wê Xudan bi êgir were Û wê erebeyên wî yên şer wekî babelîskê bin Ku hêrsa xwe bi xezebê Û erzşikandina xwe bi pêta êgir bergîdan bide.

Yêremya 12:10

Gelek şivanan rezê min xera kir. Wan para min perçiqand, Para min a hêja kir beriya bêkes.

Yêremya 23:19

Va ye, bagera Xudan! Xezeba wî rabûye, Bahoza wî dizivire. Wê di serê xeraban de biteqe.

Yêremya 30:23

Va ye, bagera Xudan! Xezeba wî rabû! Bahoza dijwar rabû ku bi serê xeraban de biteqe.

Yêremya 36:19

Serekan ji Barûk re got: “De rabe! Tu û Yêremya xwe veşêrin. Bila kes nizanibe hûn li ku ne.”

Yêremya 44:6

Loma hêrs û xezeba min di bajarên Cihûdayê û kolanên Orşelîmê de hatin rijandin û pêxistin. Bi vî awayî ew xirbe û wêrane bûn û îro jî wisa dibin.’

Yêremya 5:15

Ya Mala Îsraêl! Ezê ji dûrî ve Miletekî bînim ser we.” Ev e gotina Xudan. “Ew miletekî domdar, miletekî qedîm e, Miletekî ku tu bi zimanê wî nizanî Û ya ku dibêje, fêm nakî.

Yêremya 52:30

û di sala xwe ya bîst û sisêyan de, Nebûzaradanê fermandarê parêzvanan jî 745 Cihûdayî sirgûn kirin. Hemû kesên hatine sirgûnkirin 4.600 kes bûn.

Daniyêl 8:9

Îcar ji qiloçekî ji wan, qiloçekî biçûk derket. Ber bi başûr, rojhilat û Welatê Xweş ve dihat û her ku diçû mezin dibû.

Hoşêya 9:17

Xwedayê min wê wan red bike, Çimkî guh nedan wî. Wê di nav miletan de Wek ewareyan bigerin.

Yoêl 2:3

Li pêş wan agir dadiqurtîne, Li paş wan pêta êgir dişewitîne. Li pêş wan welat wekî Bexçeyê Êdenê ye, Li paş wan wekî beriya bêkes e. Tu tişt ji destê wan rizgar nabe.

Lêwiyî 26:22

Ezê heywanên çolê bişînim nav we ku wê we bêzarok bihêlin û heywanên we bikujin. Hejmara we kêm bikin. Wê riyên we vala bimînin.

Lêwiyî 26:33

Ezê we di nav miletên din de belav bikim û li dijî we şûrê xwe ji kalanê wê derxim. Wê welatê we bibe wêrane û bajarên we bibin xerabe.

Amos 1:14

Loma ezê sûrên Rabbayê bişewitînim Ku bi qîrînên roja şer Û babelîska roja bahozê bircên wê daqurtîne.

Nahûm 1:3

Xudan zû hêrs nabe, Lê di hêzê de mezin e. Ew sûcdaran esse bêceza nahêle. Riya Xudan di bager û bahozê de ye Û ewr toza piyê wî ye.

Habaqûq 3:14

Leşkerên wî wekî bahozê hatin ku me tarûmar bikin, Bi hewes hatin ku bindestên veşartî daqurtînin, Lê te serên leşkerên kesê xerab bi rimên wan qul kirin.

Sefanya 3:6

Xudan dibêje: “Min milet helak kirin, Bircên wan wêran bûn. Min kuçeyên wan xerab kirin, Tu kes tê re derbas nabe. Bajarên wan helak bûn, Kesek nema, rûniştî tuneye.

Zekeriya 2:6

Gotina Xudan ev e: “Rabin, rabin! Ji herêma bakur birevin. Ji ber ku min hûn li çar aliyên ezmanan belav kirin.” Ev e gotina Xudan.

Zekeriya 8:1

Gotina Xudanê Karîndar ji min re hat û got:

Zekeriya 9:14

Wê Xudan li ser wan xuya bike, Wê tîrê wî mîna brûskê bavêje. Wê Reb Xudan li boriyê bixe Û bi bagerên başûr bi pêşve here.

Dubarekirina Şerîetê 28:33

Wê miletekî ji bo te nenas berê axa te û hemû keda te bixwe. Wê herdem zor li te bê kirin û tê bêyî şikandin.

Dubarekirina Şerîetê 28:49

“Wê Xudan ji dûrî, ji binê dinyayê miletekî ku tu ji zimanê wî fêm nakî, wekî teyrê baz bi ser te de bîne.

Dubarekirina Şerîetê 28:64

“Wê Xudan te ji serê dinyayê heta binê dinyayê di nav hemû gelan de belav bike. Tê li wir xulamiya îlahên dar û keviran bikî ku tu û bav û kalên te nizanin.

Dubarekirina Şerîetê 4:27

Wê Xudan we di nav gelên din de belav bike. Di nav wan miletên ku Xudan we dişîne de, wê hejmara we kêm bibe.