Zekeriya 3:1 - Kurmanji Încîl

¹ Xudan, Yêşûyê Serkahinê ku li pêş Milyaketê Xudan û Îblîsê ku ji bo sûcdariya Yêşû bike li milê wî yê rastê bû, nîşanî min da.

Zekeriya 3:1 ပူးပေါင်းရင်းမြစ်များ

Destpêk 3:15

Ezê dijminatiyê bixim navbera te û jinê, Navbera ziriyeta te û ya wê. Wê serê te biperçiqîne, Tê jî êrîşî pehniya wî bikî.”

Destpêk 48:16

Milyaketê ku ez ji her xerabiyê rizgar kir, Van kuran pîroz bike. Bila ew bi navê min, Bi navê bavkalên min Îbrahîm û Îshaq bên gazîkirin, Li ser rûyê erdê gelek zêde bibin.”

Dîrok I, 21:1

Îblîs li dijî gelê Îsraêl rabû û Dawid sor kir ku gelê Îsraêl bijmêre.

Ezra 10:18

Kesên ziriyeta kahinan ên ku bi jinên xerîb re zewicîbûn ev bûn: Ji ziriyeta Yêşûyê kurê Yosadaq û birayên wî, Maesêya, Êliyezer, Yarîv û Gedalya.

Ezra 2:2

Ew bi Zerûbbabîl, Yêşû, Nehemya, Seraya, Reyêlaya, Mordexay, Bîlşan, Mîspar, Bîgway, Rehûm û Baena re hatin. Hejmara wan Îsraêliyan wiha bû:

Ezra 5:2

Li ser vê yekê Zerûbbabîlê kurê Şealtiyêl û Yêşûyê kurê Yosadaq ji nû ve dest bi avakirina Mala Xwedê ya li Orşelîmê kir. Pêxemberên Xwedê bi wan re bûn û alîkariya wan dikirin.

Zebûr 106:23

Loma wî got, wiyê ew tune bikirana, Eger evdê wî yê bijartî Mûsa, li şeqara li pêşberî wî ranewestiya, Û xezeba wî neziviranda, wiyê ew tune bikirana.

Zebûr 109:6

Ew dibêjin, «Tu zilamekî xerab deyne ber serê wî, Li milê wî yê rastê, yekî ku wî sûcdar dike rawestîne!

Yêremya 15:19

Loma Xudan wiha dibêje: “Heke tu bizivirî, ezê te vegerînim Ku tu li ber min bisekinî. Heke tu tiştên hêja bêjî, ne yên bêkêr, Tê bibî wekî devê min. Wê gavê wê gel li te vegere, Ne ku tê li wan vegerî.

Hagay 1:1

Di dusaliya padîşahiya Daryûs de, di roja pêşî ya meha şeşan de, gotina Xudan bi riya Hagayê Pêxember, ji Zerûbbabîlê kurê Şealtiyêlê Waliyê Cihûdayê û Yêşûyê Serkahinê kurê Yehosadaq re hat û got:

Hagay 1:12

Zerûbbabîlê kurê Şealtiyêl, Yêşûyê Serkahinê kurê Yehosadaq û tevahiya gelê ji sirgûnê vegeriya guh da dengê Xwedayê xwe Xudan û gotinên Hagayê Pêxemberê ku Xwedayê wan Xudan şandibû. Gel ji Xudan tirsiya.

Hagay 2:4

Ya Zerûbbabîl tu niha wêrek be!’” Ev e gotina Xudan. “‘Ya Yêşûyê Serkahinê kurê Yehosadaq, wêrek be! Ya gelê welêt, wêrek be!’” Ev e gotina Xudan. “‘Vî karî bidomînin. Ji ber ku ez bi we re me.’” Ev e gotina Xudanê Karîndar.

Zekeriya 1:13

Xudan bi gotinên baş û teselîkar bersiv da milyaketê ku bi min re peyivî.

Zekeriya 1:19

Min ji milyaketê ku bi min re dipeyive re got: “Ev çi ne?” Wî got: “Ev ew qiloç in ku Cihûda, Îsraêl û Orşelîmê belav kirine.”

Zekeriya 1:9

Min got: “Ezbenî ev çi ne?” Milyaketê ku bi min re dipeyivî got: “Ezê nîşanî te bidim ka ev çi ne.”

Zekeriya 2:3

Milyaketê ku bi min re peyivî ji ba min rabû çû. Yekî din jî rabû ku pêşwaziya wî bike

Zekeriya 3:8

“‘Ya Yêşûyê Serkahin! Tu û hevalên te yên kahin ên li ber te rûniştine guhdar bin! Çimkî ew, mirovên nîşanê ne. Va ye ezê xulamê xwe Gulî derxim meydanê.

Zekeriya 4:14

Milyaket got: “Ev du kes in ku bi rûnê zeytê hatine kifşkirin û li hizûra Rebê tevahiya dinyayê disekinin.”

Zekeriya 6:11

Ji zêr û zîvê te stand tacekê çêke û deyne serê Yêşûyê Serkahinê kurê Yehosadaq.

Melaxî 3:1

“Va ye ez qasidê xwe dişînim. Wê rê li pêşiya min amade bike. Rebê ku hûn lê digerin, wê jinişkave bê Perestgeha xwe. Qasidê peymana ku dilê we pê xweş e, wê bê” Xudanê Karîndar dibêje.

Lûqa 21:36

Lê herdem dua bikin û hişyar bimînin, da ku hûn bikarin ji ber van hemû tiştên ku wê bibin, birevin û li ber Kurê Mirov rawestin.»

Lûqa 22:31

«Şimûn, Şimûn, va ye, Îblîs xwest ku we wek genim li bêjingê bixe.

Dubarekirina Şerîetê 10:8

Wê gavê Xudan eşîra Lêwî veqetand ku heta îro Sindoqa Peymanê hilgirin, li hizûra wî bisekinin, xulamiyê bikin û bi navê wî pîroz bikin.

Dubarekirina Şerîetê 18:15

Wê Xwedayê we Xudan ji nav we, ji nav birayên we pêxemberekî wekî min derîne. Hûnê guhdariya wî bikin.

Petrûs I 5:8

Li ser hişê xwe bin û hişyar bin. Neyarê we Îblîs, wek şêrekî ku dihumîne digere, ka ewê kê daqurtîne.

Samûêl I, 6:20

Bêtşemeşiyan digot: “Kî dikare li ber Xudan bisekine ku Xwedayê Pîroz e? Gelo piştî me dora kê ye?”