Zekeriya 12:4 - Kurmanji Încîl

⁴ Gotina Xudan ev e: “Wê rojê ezê her hespî bixim nava sawê, her siwariyî dîn û har bikim. Wê çavê min li ser Mala Cihûda be lê ezê hemû hespên gelan kor bikim.

Zekeriya 12:4 ပူးပေါင်းရင်းမြစ်များ

Padîşah I, 8:29

Bila çavê te bi şev û roj li ser vê Malê be. Dera ku te got: ‘Bila navê min tê de be,’ ev e. Loma duaya ku xulamê te ber bi vî cihî ve dike, bibihîze.

Padîşah II, 6:14

Wî hesp û erebeyên şer û gelek leşker şandin wê derê. Ew bi şev hatin. Wan bajar dorpêç kir.

Padîşah II, 6:18

Aramiyan berê xwe dan wî. Êlîşa lavayî Xudan kir û got: “Lava dikim, tu van kor bike.” Li ser gotina Êlîşa, Xudan ew kor kirin.

Nehemya 1:6

Guhdar be! Çavê xwe veke! Duaya vî xulamê xwe bibihîze ku ez îro, bi şev û roj li hizûra te ji bo Îsraêliyên xulamên te dikim. Ez li gunehên gelê Îsraêl, li gunehên ku me li dijî te kirine mikur hatim. Min jî, bav û kalên min jî guneh kiriye.

Îşaya 24:21

Wê rojê wê Xudan Li ezmanan artêşên ezmanan, Li erdê padîşahên erdê ceza bike.

Îşaya 37:17

Ya Xudan, guh bide û bibihîze. Ya Xudan çavên xwe veke û binêre. Hemû gotinên Sanhêrîv şandin bibihîze ku bi wan gotinan tinazan bi Xwedayê Jîndar dikirin.

Yêremya 24:6

Wê çavê min, ji bo qencî li ser wan be û ezê wan careke din bînim vî welatî. Ezê wan ava bikim û hilneweşînim. Ezê wan daçikînim û ji kokê ranekim.

Daniyêl 9:18

Ya Xwedayê min, guh bide û bibihîze, çavên xwe veke û bajarê xwe yê wêran bibîne. Em ne ji ber rastbûna xwe, lê ji ber dilovaniya te ya mezin lavayî te dikin.

Zekeriya 10:5

Wê bibin mîna mêrxasên di şer de Ku dijminên xwe di nav heriya kuçeyan de diperçiqînin. Ji ber ku Xudan bi wan re ye, Wê şer bikin û siwaran şermezar bikin.

Zekeriya 12:11

Wê rojê şîna ku li Orşelîmê tê kirin, wê mîna şîna li Hadad-Rîmmona Deşta Megîddoyê, mezin be.

Zekeriya 12:3

Wê rojê ezê Orşelîmê ji bo hemû miletan bikim kevirekî giran. Her kesê rake, wê bi awayekî xedar birîndar bibe. Wê hemû miletên dinyayê, li dijî Orşelîmê bibin yek.”

Zekeriya 12:5

Wê mîrên Cihûdayê di dilê xwe de wiha bêjin: ‘Şêniyên Orşelîmê ku bi Xwedayê xwe Xudanê Karîndar ewle ne, ji bo me kaniya hêzê ne.’

Zekeriya 12:6

“Wê rojê ezê mîrên Cihûdayê bikim wekî tasikeke nava agirê daran û xetîreyeke di nav lodên dexlê de dişewite. Wê tevahiya gelên li rast û çepê daqurtînin. Wê şêniyên Orşelîmê êdî li cihê xwe, li Orşelîmê rûnin.

Zekeriya 14:15

Tevahiya heywanên li artêşgehên dijmin jî –çi hesp, çi hêstir, çi deve, çi ker– wê rastî belayeke wiha bên.

Zekeriya 9:8

Ezê li derdora Mala xwe artêşgehekê deynim Û bibim nobedar ku kesek neçe û neyê. Wê zordarek careke din li ser gelê min derbas nebe, Çimkî êdî çavê min nobedar e.

شُله رسولا 17:30

Xwedê çavên xwe li demên nezanînê neqand, lê niha ew li her derê li hemû mirovan emir dike ku tobe bikin.

Dubarekirina Şerîetê 28:28

Wê Xudan te bi dînîtî, korîtî û şaşbûnê ceza bike.