Zekeriya 10:11 - Kurmanji Încîl

¹¹ Wê ji deryaya tengasiyê derbas bibin, Lê wê pêlên deryayê bitepisin. Wê tevahiya kûrahiyên Nîlê ziwa bibin. Wê quretiya Aşûrê bê nizimkirin, Wê gopalê ji destê Misrê bê standin.

Zekeriya 10:11 ပူးပေါင်းရင်းမြစ်များ

Destpêk 8:1

Xwedê Nûh û hemû heywanên kedî û kovî yên ku pê re di gemiyê de bûn bi bîr anî, bi ser rûyê erdê ve bayek rakir û av nizim bû.

Padîşah II, 2:14

Ebayê ku ji ser Êlyas ketibû, hilda li avê xist û got: “Xudan Xwedayê Êlyas li ku ye?” Gava wî jî li avê xist, av bi wî alî û vî alî ve bû du şeq û Êlîşa derbas bû.

Padîşah II, 2:8

Êlyas rahişt ebayê xwe, li hev pêça û li avê xist. Av bi wî alî û vî alî ve bû du şeq. Paşê herdu, di erdê ziwa re derbas bûn.

Ezra 6:22

Wan bi şahî heft rojan Cejna Nanê Şikeva pîroz kir. Çimkî Xudan şahiya wan anîbû. Xwedayê Îsraêl dilê Padîşahê Aşûrê zivirand ku di karê Mala Xwedayê Îsraêl de destê wan zexim bike.

Zebûr 114:3

Deryayê nihart û bi şûn ve vekişî, Çemê Şerîayê bi şûn ve herikî.

Zebûr 114:5

Ey derya, çi bi te hat tu direvî? Ey Şerîa, tu çima şûn ve diherikî?

Îşaya 14:25

Ezê li welatê xwe Aşûriyan bişikênim, Li çiyayên xwe wan di bin lingan de biperçiqînim. Wê nîrê wan ji ser gelê min rabe, Barê wan ji ser pişta wan rabe.

Îşaya 19:16

Wê rojê wê Misrî ji ber destê Xudanê Karîndar ê ku li dijî wan rake, bilerizin û bikevin sawê.

Îşaya 43:2

Gava tu di avan re derbas bibî, Ezê bi te re bim. Gava tu di çeman re derbas bibî jî, Wê di ser te re neqelibin. Gava tu di nav êgir re derbas bibî, Tê neşewitî û wê pêta êgir te neşewitîne.

Îşaya 44:27

Yê ku ji kûrahiyê re dibêje: ‘Ziwa be! Ezê çemên te ziwa bikim’

Îşaya 51:10

Ma yê ku deryayê, avên deryayê kûr û ziwa kir, Yê ku binê deryayê kir rê Ku kesên rizgar bûne derbas bibin, ne tu yî?

Îşaya 51:9

Hişyar be! Hişyar be! Ya zendê Xudan, hêzê li xwe bike! Wekî rojên qedîm, Wekî dema nifşên berê hişyar be! Ma yê ku Rahavê perçe kir Û cinawirê deryayê birîndar kir ne tu bûyî?

Sefanya 2:13

Wê Xudan destê xwe dirêjî bakur bike Û Aşûrê tune bike. Wê Nînewayê wêran bike, Wek beriyê ziwa bike.

Peyxam 16:12

Yê şeşan piyana xwe rijand ser çemê Firatê yê mezin. Ava wî çikiya, da ku rê ji bo padîşahên Rojhilatê bê amadekirin.