Zebûr 8:3 - Kurmanji Încîl

³ Gava ku ez dinêrim li ezman, Karê destê te, heyv û stêran,

Zebûr 8:3 ပူးပေါင်းရင်းမြစ်များ

Destpêk 1:1

Di destpêkê de Xwedê erd û ezman afirandin.

Eyûb 22:12

“Ma Xwedê ne li bilindahiya ezmanan e? Li stêrên herî bilind binêre, ew çiqas bilind in!

Eyûb 25:3

Gelo artêşên wî tên hejmartin? Ronahiya wî nade ser kê?

Eyûb 25:5

Li gorî wî biriqîna heyvê jî tuneye, Stêr li ber çavê wî nepaqij in.

Eyûb 36:24

Pesindana karê wî bi bîr bîne, Mirov li ser wî stranan jî dibêjin.

Zebûr 104:19

Te hîvê ji bo nîşandana demsalan çêkir, Roj dizane, wê li ku derê here ava.

Zebûr 111:2

Karên Xudan mezin in, Yên ku bi wan şa dibin li wan digerin.

Zebûr 148:3

Ey roj û hîv, pesnê wî bidin, Ey hemû stêrên birqok, pesnê wî bidin!

Zebûr 19:1

Ezman berziya Xwedê didin nîşan, Qûba ezman karê destê wî didin xuyan.

Zebûr 33:6

Ezman bi peyva Xudan, Roj û heyv û stêr, bi hilma wî hatin afiran.

Zebûr 89:11

Ezman yên te ne, erd jî; Dinê û tijehiya wê, te ava kir.

Derketin 31:18

Gava Xwedê li Çiyayê Sînayê gotinên xwe bi Mûsa re xilas kirin, wî du lewheyên kevirîn ên şahidiyê ku Xwedê bi tiliya xwe li ser wan nivîsîbûn dan wî.

Derketin 8:19

Sêrbazan ji Firewn re got: “Tiliya Xwedê di vî karî de heye!” Lê wekî Xudan gotibû, dilê Firewn hişk bû û guhdariya wan nekir.

Lûqa 11:20

Lê eger ez bi tiliya Xwedê cinan derdixim, nexwe hingê Padîşahiya Xwedê gihîştiye we.

Romayî 1:20

Hê ji afirandina dinyayê ve hêza wî ya herheyî û Xwedêtiya wî, bi ser ku nayên dîtin jî, bi tiştên ku hatine çêkirin bi zelalî tên dîtin û fêmkirin. Loma hêceta wan tune.

Dubarekirina Şerîetê 4:19

Gava hûn bala xwe bidin ezmanan û roj, heyv, stêr û hemû nexşên li ezmanan bibînin, ji rê dernekevin! Li ber wan xwe netewînin û ji wan re xulamiyê nekin. Jixwe van tiştan Xwedayê we Xudan wekî par da hemû gelên bin ezmanan.