Zebûr 3:3 - Kurmanji Încîl

³ Belê tu ya Xudan, tu mertal î li hawirdora min, Tu yî, berzî û serbilindiya min.

Zebûr 3:3 ပူးပေါင်းရင်းမြစ်များ

Destpêk 15:1

Piştî van tiştan gotina Xudan di dîtiniyekê de ji Avram re hat û got: “Netirse Avram. Ez mertalê te me, wê xelata te gelek mezin be.”

Destpêk 40:13

Wê di nav sê rojan de Firewn serê te bilind bike û te bîne ser karê te yê berê. Wekî ku berê tu sermeygerê wî bûyî û te wisa dikir, tê dîsa kasa Firewn bidî destê wî.

Padîşah II, 18:30

Hîzqiyayê ku dibêje: Wê Xudan me esse rizgar bike û wê ev bajar nekeve destê Padîşahê Aşûrê, bila neke ku hûn bi Xudan ewle bin.

Padîşah II, 18:32

Paşê ezê bêm û we bînim welatekî nû yê wek welatê we ku hûnê nemirin û sax bimînin. Ew welat, welatekî şerab û dexil e, welatê nan û rez, zeyt û hingivê ye. Guhdariya Hîzqiya nekin ku dibêje wê Xudan me rizgar bike. Bila we nexapîne.

Padîşah II, 25:27

Di sî û heft saliya sirgûnbûna Yehoyaxînê Padîşahê Cihûdayê de, di roja bîst û heftê meha duwanzdehan de ku sala ew bûbû padîşah, Ewîl-Merodakê Padîşahê Babîlê, Yehoyaxînê Padîşahê Cihûdayê ji girtîgehê berda.

Zebûr 110:7

Wê ji newala li ser riya xwe avê vexwe; Loma wê serê xwe rast bigire.

Zebûr 119:114

Tu yî star û mertalê min, Ez hêviya xwe bi peyva te girê didim.

Zebûr 18:2

Xudan e zinarê min, kanî û rizgarkarê min. Xwedayê min, zinarê min ê xwe spartinê ye. Mertalê min, hêza min a rizgarkirinê, birca min a bilind e!

Zebûr 27:6

Hingê wê li hember dijminên dora min, Bilind bibe serê min, Û ezê bi şahî qurbanan li konê wî pêşkiş bikim, Bi stranan, bi îlahiyan pesnê Xudan bidim.

Zebûr 28:7

Hêz û mertalê min e Xudan, Dilê min bi wî ewle, bi wî alîkarî dît. Bi şabûna dilê xwe, Spas dikim jê re bi îlahiyan.

Zebûr 4:3

Bizanin ku Xudan, yê dîlsoz ji bo xwe veqetandiye, Kengê ez bang bikimê, ew min dibihîze.

Zebûr 62:7

Rizgarî û berziya min bi Xwedê ye, Zinarê hêza min, dera stara min Xwedê ye.

Zebûr 84:11

Çimkî Xudan Xwedê roj û mertal e. Kerem û berziyê dide; Ji her kesê ku bi durustî dimeşe, tu qenciyê nadirixîne.

Îşaya 45:25

Wê hemû ziriyeta Îsraêl, Ji aliyê Xudan ve mafdar bê derxistin Û pê pesnê xwe bidin.

Îşaya 60:19

“Êdî wê roj nebe ronahiya te ya bi roj, Wê êdî biriqîna heyvê ronahiyê nede te. Lê wê Xudan bibe ronahiya te ya herheyî, Wê Xwedayê te bibe berziya te.

Lûqa 2:32

Ronahiya ku çavê miletan vedike Û rûmeta ji bo gelê te yê Îsraêl e.»

Dubarekirina Şerîetê 33:29

Ya gelê Îsraêl, xwezî bi te! Ma kî heye wekî te? Tu ew gel î ku ji aliyê Xudan ve hatiye rizgarkirin. Ew ji te re mertalê parastinê û şûrê rewnaq e. Wê dijminên te li ber te biçûk bin, Tê jî wan biperçiqînî.”

Peyxam 21:11

Di nav wî de rûmeta Xwedê şewq dida; ronahiya wî wek kevirê hêja bû, wek kevirê yêşîm yê ku ronahî tê re xuya dike.

Peyxam 21:23

Ne hewce ye ku roj û heyv bajêr ronahî bikin, çimkî rûmeta Xwedê wî ronahî dike û Berx çira wî ye.