Zebûr 10:9 - Kurmanji Încîl

⁹ Wek şêrê di şikeftê de, Li dera xalî kozik datîne, Ji bo girtina bindest dimîne. Ku girt, tora xwe kaş dike û hiltîne.

Zebûr 10:9 ပူးပေါင်းရင်းမြစ်များ

Eyûb 38:40

Ku xwe di şikeftên xwe de ditepisînin Û di nav deviyan de dikevin kozikê.

Zebûr 109:31

Çimkî ew, li milê rastê yê hejaran radiweste, Da ku ew wan, ji yên ku canê wan bi mirinê dadbar dikin, rizgar bike.

Zebûr 12:5

Ji ber bindestiya mexdûran, Ji nalîna feqîran, Xudan dibêje: «Niha ezê rabim, Aştiya ku wan bêrî kiriye ava kim.»

Zebûr 140:5

Yên qure ji bo min dafik danîn, Li qeraxê rê ben tikandin; Ji bo min kemîn danîn.

Zebûr 17:12

Wek şêrekî li benda perçekirinê, Wek şêrekî ciwan ê ku rûniştiye di kemînê.

Zebûr 35:10

Bi hemû dilê xwe weha bêjim: «Ma kesî wek te heye ya Xudan, Te xelas kir bindest ji destê zordaran, Bindest û hejar ji şêlînkaran?»

Zebûr 37:14

Şûrên xwe kişandin, tîrên xwe tikandin xeraban, Da ku li erdê xin bindest û hejaran, Bikujin yên ku li ser riya rast in.

Zebûr 59:3

Îcar niha, dixwazin jiyana min bistînin, Yên hêzdar li hember min dicivin, Belê, ne min serî hilda û ne jî min guneh kir, ya Xudan.

Methelokên 14:31

Kesê zorê li belengazan dike, Bi Afirandarê wan tinazan dike, Lê kesê li ber hejaran dikeve, Afirîner birûmet dike.

Methelokên 22:16

Kesê ji bo qezencê zorê li belengazan dike Û kesê tiştan dide dewlemendan, wê esse bibe xizan.

Methelokên 28:15

Serwerê xerab ê li ser belengazan, Wekî şêrê dike himîn û hirçê êrîşkar e.

Îşaya 3:15

Ma çi bi we bûye ku hûn gelê min diperçiqînin Û rûyê bindestan dihêrin?” Ev e gotina Reb Xudanê Karîndar.

Îşaya 32:7

Riyên kesên bênamûs xerab in. Ew pîlanên xerabiyan çêdikin Ku gava hejar di doza xwe de mafdar jî be, Wî bindestî bi gotinên derew xera bike.

Yêremya 5:26

“Di nav gel de mirovên xerab hene. Wekî nêçîrvanên çivîkan di kemînê de ne, Kozikan datînin û mirovan digirin.

Lavijên Şînê 3:10

Ew ji bo min wekî hirçekî di kozikê de ye, Mîna şêrekî xwe veşartî ye.

Amos 3:4

Ma şêrê bênêçîr li daristanê dihimîne? Ma bêyî ku nêçîrekê bigire, Şêrê ciwan ji şikefta xwe deng derdixe?

Mîxa 7:2

Li welêt dilsozê Xwedê tuneye, kesê dilrast nema. Her kes ji bo xwînrijandinê kemînê datîne, Bira li pêş birayê xwe dafik datîne.

Habaqûq 1:15

Kildanî wan hemûyan bi şewkê derdixin. Bi torebenên xwe wan digirin, Bi torên xwe yên mezin berhev dikin. Ew şa û kêfxweş dibin.

Habaqûq 3:14

Leşkerên wî wekî bahozê hatin ku me tarûmar bikin, Bi hewes hatin ku bindestên veşartî daqurtînin, Lê te serên leşkerên kesê xerab bi rimên wan qul kirin.

Zekeriya 11:3

Zarîna şivanan tê! Çimkî mêrgên wan ên spehî xera bûn! Himîna şêrên ciwan tê! Çimkî xera bû daristanên spehî yên li keviya Çemê Şerîayê.

Yûhenna 10:12

Yê ku bi peran hatiye girtin û ne şivan e, kesê ku ne xwediyê miyan e, dema ku dibîne gur tê, miyan dihêle û direve. Gur jî li wan dixe û wan belav dike.

شُله رسولا 23:21

Lê tu guhê xwe nede wan, çimkî ji nav wan ji çil zilaman zêdetir di kemînê de li benda wî ne. Wan sond xwariye, heta ku wî nekujin, ew ne bixwin û ne jî vexwin. Niha ew amade ne û li benda razîbûna te ne.»